तालुकास्तरीय फुटबॉल स्पर्धेत निकम विद्यालय विजेता

-rat८p८.jpg-
P२५N८२९७६
सावर्डे : फुटबॉल स्पर्धेतील विजेत्या खेळाडूंचे अभिनंदन करताना प्राचार्य राजेंद्र वारे, विजय चव्हाण.
------
फुटबॉल स्पर्धेत निकम विद्यालय विजयी
सकाळ वृत्तसेवा
सावर्डे, ता. ८ : सावर्डे येथील गोविंदराव निकम विद्यालयाच्या १९ वर्षांखालील मुलींच्या संघाने तालुकास्तरीय फुटबॉल स्पर्धेच्या अंतिम सामन्यात मेरी माता विद्यालयाच्या संघावर मात करत जिल्हास्तरावर स्थान निश्चित केले. ही स्पर्धा डेरवण येथे झाली.
स्पर्धेत चिपळूण तालुक्यातील चार संघ सहभागी झाले होते. अंतिम सामन्यात सावर्डे विद्यालयाने मेरी माता विद्यालयाच्या संघावर मात करत जिल्हास्तरावर आपले स्थान निश्चित केले. संघाच्या समृद्धी पाष्टेने पहिल्या सत्रात एक तर दुसऱ्या सत्रात आणखी एक गोल करत संघाच्या विजयात मोलाचा वाटा उचलला. संघात आरती मकाळे, समीक्षा जसवाल, श्रेया जाधव, यशस्वी पवार, प्रिया पवार, प्रचिती भारती, जागृती ओकटे, अवंती नरळकर, आर्या गुजर, अमृता पिरधनकर, अनुष्का गोरिवले व स्वरूपा कुसळकर यांनी उत्कृष्ट कामगिरी बजावली.