सिंधुदुर्गनगरीत ‘स्वामिनी’तर्फे हेल्मेटचे वाटप

83086

सिंधुदुर्गनगरीत ‘स्वामिनी’तर्फे हेल्मेटचे वाटप
ओरोस, ता. ९ ः स्वामिनी महिला मंडळ आणि निसर्ग फाउंडेशन, नवी दिल्ली यांच्या संयुक्त विद्यमाने सिंधुदुर्गनगरी येथील बाळशास्त्री जांभेकर स्मारक पत्रकार भवन येथे रक्षाबंधनाच्या विशेष उपक्रमाचे आयोजन करण्यात आले. या कार्यक्रमाला कुडाळ मालवणचे आमदार नीलेश राणे प्रमुख पाहुणे म्हणून उपस्थित होते. यावेळी महिला भगिनींनी रक्षाबंधन साजरे करत दुचाकीस्वार, वाहनधारकांना हेल्मेटचे वाटप केले आणि रस्ते सुरक्षा जनजागृतीचा संदेश दिला. या उपक्रमाला भाजप जिल्हाध्यक्ष प्रभाकर सावंत, दीपक नारकर, सुप्रिया वालावलकर, गौरव घाडीगावकर, परशुराम परब आदी उपस्थित होते.