रक्षाबंधननिमित्त रत्नागिरी बाजारपेठेत गर्दी

-rat८p३१.jpg-
२५N८३१०८
रत्नागिरी ः शहरातील साळवी स्टॉप येथील दुकानात विक्रीसाठी ठेवलेल्या राख्या.
----
रक्षाबंधननिमित्त बाजारपेठेत गर्दी
सकाळ वृत्तसेवा
रत्नागिरी, ता. ८ ः रक्षाबंधन अर्थात् राखी पौर्णिमा या निमित्त शहरात दुकानात विविध राख्यांनी बाजारपेठ सजली आहे. आठवडा बाजारातही एकापेक्षा एक आकर्षक राख्या विक्रीस आल्या आहेत. महिलांनी राख्या खरेदीसाठी रक्षाबंधनाच्या पूर्वसंध्येला बाजारात गर्दी केली होती.
बाजारपेठेत विविध प्रकारच्या आकर्षक राख्यांसह पारंपरिक गोंडा राखी बाजारात विक्रीस आली असून, महिलांकडून राख्यांच्या दुकानात खरेदीसाठी गर्दी झाली आहे. शहराच्या विविध भागांमध्ये लहान-मोठ्या राखीविक्रीची दुकाने, स्टॉल सजल्याचे दिसून येत आहे. आकर्षक राखी खरेदीस आत्तापासूनच किरकोळ विक्रेते आणि सामान्य नागरिकांडून खरेदीसाठी गर्दी केली जात आहे. यंदा राख्यांना मागणी वाढली असून, महागाईमुळे काहीअंशी राख्या महागल्या असल्याचे राखी विक्रेत्यांनी सांगितले.
बाजारपेठेत चिमुकल्यांसाठी लायटिंग राख्या, छोटा भीम, डोरेमॉन, मोटू पतलू, माशा, विविध कार्टूनच्या राख्या तसेच श्रीगणेश, श्रीकृष्ण अशा राख्या बाजारात विक्रीस आहेत. शहरातील बाजापेठेसह मारूती मंदिर, माळनाका, साळवी स्टॉप, जे. के. फाईल्स, कोकणनगर, आरोग्यमंदिर, बसस्थानक, रेल्वेस्थानक, परिसर यांसह शहरातील विविध ठिकाणच्या बाजारपेठ दुकानात राखी विक्री सुरू झाली आहे.