पाण्याची गुणवत्ता तपासा, जलजन्य आजार टाळा!
83131
पाण्याची गुणवत्ता तपासा, जलजन्य आजार टाळा!
देवगड पंचायत समितीचा उपक्रम; तळेबाजार, टेंबवली शाळेत प्रात्यक्षिके
सकाळ वृत्तसेवा
देवगड, ता. ८ ः आरोग्यावर संभाव्य परिणाम करू शकणारे जलजन्य आजार टाळण्यासाठी पिण्याच्या पाण्याच्या गुणवत्तेवर केंद्राच्या जलजीवन मिशनद्वारे लक्ष केंद्रित केले आहे. याअनुषंगाने येथील पंचायत समितीअंतर्गत तालुक्यातील तळेबाजार व टेंबवली जिल्हा परिषद शाळेतील विद्यार्थ्यांना पाणी तपासणी मार्गदर्शन करण्यात आले. उपविभागीय पाणी गुणवत्ता समन्वयक हर्षदा बोथीकर यांनी पाणी गुणवत्तेचे मार्गदर्शन करत शास्त्रशुद्ध पद्धधतीने पाणी तपासणीची प्रात्यक्षिके दाखविली.
जिल्हा परिषदेच्या ‘जलजीवन मिशन’च्या पाणी गुणवत्ता व सर्वेक्षण सनियंत्रण कार्यक्रमांतर्गत ग्रामस्तरावर हा उपक्रम राबविण्यात येत आहे. या अंतर्गत ग्रामपंचायत स्तरावर गावनिहाय पाणी गुणवत्ता तपासणीसाठी प्रत्येक गावातील पाच महिलांची प्रशिक्षणासाठी निवड केली होती. या महिलांना जैविक क्षेत्रीय तपासणी संचाच्या ‘एचटूएस व्हायल्स’संदर्भात प्रशिक्षण दिले होते. याच अनुषंगाने पाणी गुणवत्ता सनियंत्रण व सर्वेक्षण उपक्रमांतर्गत तालुक्यातील सार्वजनिक पिण्याच्या पाण्याच्या गुणवत्तेची तपासणी करण्यासाठी क्षेत्रीय तपासणी संचाच्या (फिल्ड टेस्ट किटच्या) माध्यमातून शाळा, अंगणवाडीतील पाणी तपासणी मोहीम राबविण्यात येत आहे. या उपक्रमाच्या अंमलबजावणीसंदर्भात पंचायत समिती गटविकास अधिकारी अरुण चव्हाण यांनी निर्देश दिले आहेत. ग्रामस्थांना जलजन्य आजार होऊ नयेत व पिण्याच्या पाण्याची गुणवत्ता उच्चप्रतीची राखली जावी, या उद्देशाने हा उपक्रम राबविण्यात येत आहे. या उपक्रमात गावस्तरावर जलसुरक्षक, आरोग्य सेवक तसेच पाणी गुणवत्तेचे प्रशिक्षण घेतलेल्या पाच महिला प्रतिनिधींची महत्त्वाची भूमिका असेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.