देवगडमध्ये सागराला श्रीफळ अर्पण
83148
देवगडमध्ये सागराला श्रीफळ अर्पण
नारळी पौर्णिमा उत्साहात; मच्छीमारांसह अधिकाऱ्यांची उपस्थिती
सकाळ वृत्तसेवा
देवगड, ता. ८ ः येथे पारंपरिक पद्धतीने आज नारळी पौर्णिमा उत्सव मोठ्या उत्साहात साजरा करण्यात आला. प्रशासनासह मच्छीमारांनी विधीवत पूजा करीत सागराला श्रीफळ अर्पण करून शांत होण्याचे आवाहन केले. यानिमित्ताने येथील बंदरासह समुद्रकिनारी पारंपरिक पद्धतीने पूजा करून सागराला श्रीफळ अर्पण केले. तालुक्यात ठिकठिकाणी खाडीकिनारच्या मच्छीमार बांधवांनीही नारळी पौर्णिमा उत्सव उत्साहात साजरा केला.
नारळी पौर्णिमा निमित्ताने येथील बंदरावर विधीवत पूजा केल्यानंतर सागराला श्रीफळ अर्पण करण्यात आले. पोलिस, प्रशासन, उद्योजक आणि नागरिक यांच्यासह उपस्थितांनी सागराला श्रीफळ अर्पण केले. यावेळी उद्योजक नंदकुमार घाटे, तहसीलदार रमेश पवार, पोलिस निरीक्षक भरत धुमाळ, सहायक पोलिस निरीक्षक सुप्रिया बंगडे यांच्यासह अन्य पोलिस कर्मचारी तसेच शरद शिंदे, विकास गोठोस्कर, दिनेश मेस्त्री, जयराम कदम, सतीश खानविलकर आदींसह कस्टम, बंदर विभागाचे अधिकारी आणि अन्य उपस्थित होते. पूजा झाल्यावर सागराला सामूहिकपणे श्रीफळ अर्पण करण्यात आले. बंदरावर श्रीफळ अर्पण करण्यासाठी सायंकाळी उशिरापर्यंत नागरिकांची ये-जा सुरू होती. तालुक्याच्या विविध भागात मच्छीमारांनी पारंपरिक पद्धतीने हा उत्सव साजरा केला. येथील समुद्रकिनारीही सागराला श्रीफळ अर्पण करण्यात आले. तारामुंबरी तसेच मळई परिसरातही मच्छीमारांनी सागराला श्रीफळ अर्पण करून शांत होण्याचे आवाहन केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.