देवगडमधील विठ्ठल मंदिरात हरिनाम सप्ताह उत्साहात

83239

देवगडमधील विठ्ठल मंदिरात
हरिनाम सप्ताह उत्साहात

सकाळ वृत्तसेवा
देवगड, ता. ९ ः येथील खालच्या बाजारपेठेतील श्री विठ्ठल-रखुमाई मंदिरात हरिनाम सप्ताह उत्साहात झाला. गुरुवारी (ता.७) रात्री उशिरा विविध चित्ररथांसह दिंड्या काढण्यात आल्या. दिवसभरात विविध मान्यवरांनी दर्शन घेतले.
गुरुवारी सकाळी विविध मान्यवरांच्या उपस्थितीत हरिनाम सप्ताहाला प्रारंभ झाला होता. यावेळी उद्योगपती नंदकुमार घाटे, बाळासाहेब ढोके, दत्तात्रय पारकर, प्रवीण पोकळे, दिनेश पारकर, सुनील पारकर, उत्तम पोकळे, प्रदीप पारकर, अनिकेत पारकर, शरद शिंदे, प्रथमेश बोंडाळे, रजनी बोंडाळे, जयराम कदम, मयू पारकर यांच्यासह अन्य उपस्थित होते. मंदिरात विधिवत पूजा, आरती झाल्यानंतर सप्ताहाची सुरुवात झाली. दुपारी महिलांनी हरिनामाचा गजर केला. दिवसभरात विविध मंडळींनी दर्शन घेतले. सायंकाळी महिलांची दिंडी काढण्यात आली. रात्री उशिरा विविध चित्ररथांसह दिंड्या काढण्यात आल्या. विठ्ठल दिंडी, बाजारपेठ दिंडी आणि साईनाथ दिंडीचा यामध्ये समावेश होता. विठ्ठल दिंडीमध्ये चलचित्र देखावा होता. सर्व दिंड्यांतील देखावा पाहण्यासाठी गर्दी झाली होती. यामध्ये महिलांचाही समावेश होता. आज सकाळी सप्ताहाची सांगता झाली.