केळशीत शेती यांत्रिकीकरणावर मार्गदर्शन

-rat९p५.jpg-
P२५N८३२२८
दापोली ः केळशी येथे यंत्र अवजारेबाबत माहिती देताना कोकण कृषी विद्यापिठाच्या अभियांत्रिकी विभागाचे सहयोगी प्रा. डॉ. सचिन पाठक.
----
केळशीत शेती यांत्रिकीकरणावर मार्गदर्शन
सकाळ वृत्तसेवा
दापोली, ता. ९ ः दापोली कृषी महाविद्यालयातील वसुधा व इंद्रधनु रावे गटातील विद्यार्थिनींनी केळशी येथे शेती यांत्रिकीकरण व विद्यापीठ तंत्रज्ञान प्रसार व प्रसारण या विषयावर मार्गदर्शन केले.
कार्यक्रमाला कोकण कृषी विद्यापिठाच्या अभियांत्रिकी विभागाचे सहयोगी प्रा. डॉ. सचिन पाठक, डॉ. प्रवीण झगडे, शेतकरी, महिला व विद्यार्थी उपस्थित होते. शेतीतील यांत्रिकीकरणाचे महत्त्व स्पष्ट करताना डॉ. पाठक यांनी विद्यापिठाने विकसित केलेली विविध शेती उपकरणे सादर केली. प्रत्यक्ष मॉडेल्स व उपकरणांचे प्रात्यक्षिक दाखवून त्यांची कार्यपद्धती, देखभाल व खर्च याबाबत माहिती दिली. पंकज पडलर, नवीन आंबा हार्वेस्टर, ग्रीन काजूकटर, सुपारी सोलण्याचे यंत्र, अमर लोरांथस कटर, वैभव सिकल या उपकरणांची माहिती डॉ. पाठक यांनी दिली. यंत्रांसाठी उपलब्ध शासनाच्या विविध योजना व अनुदानाविषयी माहिती देत सुपारी पिकाच्या दर्जानुसार वर्गीकरण व विपणनाविषयी मार्गदर्शन केले.