एसटी- दुचाकीला धडकेत महिला गंभीर जखमी

एसटी- दुचाकीच्या धडकेत
महिला गंभीर जखमी
खेड, ता. ९ : तालुक्यातील खेड-खोपी मार्गावरील काणेकरवाडी येथे एसटी बसने समोरून येणाऱ्या दुचाकीला धडक दिल्याने अपघात झाला. या अपघातात दुचाकीवरून प्रवास करणारी महिला दुचाकीस्वार गंभीर जखमी झाली. हा अपघात आज (ता. ९) रोजी दुपारी १२ वाजण्याच्या सुमारास घडला.
याबाबत घटनास्थळावरून व पोलिसांकडून मिळालेल्या माहितीनुसार, खेडहून कुळवंडीच्या दिशेने जाणाऱ्या महिला दुचाकीस्वाराला खेड-खोपी मार्गावरील हेदली काणेकरवाडी येथे समोरून येणाऱ्या चोरवणे-खेड-पुणे एसटी बसने समोरून धडक दिली. ही धडक इतकी जोरदार होती की, या अपघातात दुचाकीचे मोठ्या प्रमाणात नुकसान झाले आहे तर दुचाकीवरील महिलेलादेखील गंभीर स्वरूपाची दुखापत झाली आहे. या अपघाताची माहिती मिळताच मदतग्रुपचे प्रसाद गांधी यांनी तत्काळ घटनास्थळी धाव घेतली तसेच खेड पोलिसांसह एसटी महामंडळाच्या अधिकाऱ्यांनीदेखील घटनास्थळी भेट दिली. या महिलेवर नजीकच्या रुग्णालयात उपचार सुरू असून, तिची प्रकृती स्थिर आहे.

--