-देवीहसोळमधील मुलाचा सर्पदंशाने मृत्यू

देवीहसोळमधील मुलाचा सर्पदंशाने मृत्यू
सकाळ वृत्तसेवा
राजापूर, ता. ९ : तालुक्यातील देवीहसोळ येथील एका नऊ वर्षाच्या मुलाचा सर्पदंशाने मृत्यू झाल्याची दुर्दैवी घटना घडली आहे. श्रवण विकास भोवड असे त्या मुलाचे नाव आहे.
देवीहसोळ गावातील लिंगवाडीतील विकास भोवड यांचा मुलगा श्रवण याला सर्पदंश झाला होता. श्रवणला सर्पदंश झाल्याचे सुरुवातीला कुणालाच समजले नाही. त्यामुळे त्याच्यावर उपचार सुरू होण्यास बराच विलंब झाला आणि त्याची प्रकृती खालावली. त्याला त्रास जाणवू लागल्यानंतर कुटुंबीयांनी त्याला उपचारासाठी रुग्णालयात दाखल केले. रत्नागिरी येथील जिल्हा रुग्णालयात तपासणीअंती श्रवण याला सर्पदंश झाल्याचे निष्पन्न झाले होते. त्याच्यावर अतिदक्षता विभागात उपचार सुरू होते. श्रवणला वाचवण्यासाठी डॉक्टरांनी प्रयत्नांची पराकाष्ठा केली; मात्र ८ ऑगस्टला पहाटे त्याचा मृत्यू झाला.