वाळूचे आणखी आठ रॅम्प उद्ध्वस्त
83314
वाळूचे आणखी आठ रॅम्प उद्ध्वस्त
महसूल खाते आक्रमक; चेंदवण, कवठीत कारवाई
सकाळ वृत्तसेवा
कुडाळ, ता. ९ ः तालुक्यातील कवठी व चेंदवण परिसरात कर्ली नदीपात्रात सुरू असलेल्या अवैध वाळू उत्खननावर महसूल विभागाने आज कारवाई केली. चेंदवण येथील ६ तर कवठी येथील २ वाळूचे रॅम्प जेसीबीच्या सहाय्याने उद्ध्वस्त करण्यात आले.
उपविभागीय अधिकारी ऐश्वर्या काळुशे, तहसीलदार वीरसिंग वसावे यांच्या मार्गदर्शनाखाली निवासी नायब तहसीलदार अमरसिंह जाधव, वालावल मंडल अधिकारी श्वेता दळवी, ग्राम महसूल अधिकारी भरत नेरकर, सोनाली मयेकर, स्नेहल सागरे, शिवदास राठोड यांच्या पथकाने चेंदवण ही कारवाई केली. तहसीलदार वसावे यांनी बेकायदा वाळू उत्खनन थांबविण्यासाठी परिसरात गस्त वाढविण्याचे तसेच पुन्हा असा प्रकार होऊ नये, यासाठी विशेष पथक नेमण्याचे आदेश दिले आहेत.
---
पुन्हा वाळू उपसा करणाऱ्यांना दणका
कुडाळच्या प्रांताधिकारी ऐश्वर्या काळूशे व तहसीलदार वर्षा झालटे यांच्या मार्गदर्शनाखाली हडी कोथेवाडा येथील वाळूचे अनधिकृतरीत्या उभारलेले रॅम्प महसूल पथकाने गुरुवारी उद्ध्वस्त केले होते. तर कालावल खाडी किनाऱ्यालगत बांदिवडे येथील सात वाळूचे अनधिकृत रॅम्प महसूल विभागाच्या टीमने गुरुवारीच उद्ध्वस्त केले होते. आज कुडाळ तालुक्यात पुन्हा कारवाई झाल्यामुळे अनधिकृत वाळू उपसा करणाऱ्यांना दणका बसला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.