मालवण उपशहरप्रमुख परुळेकर यांचा सत्कार

swt935.jpg
83335
मालवण ः आमदार नीलेश राणे, दत्ता सामंत यांनी राजन परुळेकर यांचा सत्कार केला.

मालवण उपशहरप्रमुख
परुळेकर यांचा सत्कार
सकाळ वृत्तसेवा
मालवण, ता. १० : आमदार नीलेश राणे यांच्या प्रमुख उपस्थितीत येथील उद्योजक राजन परुळेकर यांनी शिवसेनेत प्रवेश केला. या प्रवेशानंतर पक्षाने त्यांच्यावर मोठी जबाबदारी सोपवली आहे. जिल्हाप्रमुख दत्ता सामंत यांनी परुळेकर यांना मालवण उपशहरप्रमुख म्हणून नियुक्तीपत्र दिले. परुळेकर यांच्यासोबत त्यांचे अनेक सहकारी, उद्योजक आणि व्यावसायिकांनी शिवसेनेत प्रवेश केला.
यामध्ये संतोष शिरगावकर, सनी परुळेकर, संजय परुळेकर, जेम्स डायस, रॉकी डिसोझा, ऑल्विन फर्नांडिस, फ्रँकी डिसोझा आणि बाबू मोरजकर यांचा समावेश आहे. या पक्षप्रवेश कार्यक्रमाला जिल्हा समन्वयक महेश कांदळगावकर, उपजिल्हाप्रमुख विश्वास गावकर, बबन शिंदे, जिल्हा प्रवक्ते राजा गावकर, शहरप्रमुख दीपक पाटकर, उपतालुकाप्रमुख बाळू नाटेकर यांच्यासह शिवसेनेचे अन्य पदाधिकारी उपस्थित होते. या पक्षप्रवेशामुळे मालवणमधील शिवसेनेला अधिक बळकटी मिळाल्याचे बोलले जात आहे. याबाबतची माहिती शहरप्रमुख पाटकर यांनी दिली.
................
swt936.jpg
83336
सावंतवाडी ः दृष्टी मुंडये, लावण्या केसरकर यांना गौरविताना मान्यवर.

जिल्हा ज्युदो स्पर्धेत
‘मदर क्विन्स’चे यश
सकाळ वृत्तसेवा
सावंतवाडी, ता. १०ः जिल्हा क्रीडा अधिकारी कार्यालय सिंधुदुर्गच्या वतीने आयोजित केलेल्या जिल्हास्तरीय ज्युदो स्पर्धेत सिंधुदुर्ग जिल्हा शिक्षण प्रसारक मंडळ संचलित येथील मदर क्विन्स इंग्लिश स्कूलची विद्यार्थिनी दृष्टी मुंडये हिने १४ वर्षांखालील वयोगट मुलींमध्ये ४० किलोखालील वजनी गटात प्रथम क्रमांक पटकावला.
तिची निवड विभागस्तरीय ज्युदो स्पर्धेसाठी झाली. लावण्या केसरकर हिने १४ वर्षांखालील मुली वयोगटामध्ये ४४ खालील वजनी गटात तिसरा क्रमांक मिळविला. या यशाबद्दल सिंधुदुर्ग जिल्हा शिक्षण प्रसारक मंडळाचे अध्यक्ष राजेसाहेब खेमसावंत भोंसले, चेअरमन राणीसाहेब शुभदादेवी भोसले, कार्यकारी विश्वस्त लखमराजे भोसले, विश्वस्त युवराज्ञी भोसले, संचालक दिलीप देसाई, सहाय्यक संचालक अॅड. शामराव सावंत, सदस्य जयप्रकाश सावंत, डॉ. सतीश सावंत, मुख्याध्यापिका अनुजा साळगावकर, क्रीडाशिक्षक भूषण परब, अन्य शिक्षक, शिक्षकेतर कर्मचारी, पालक शिक्षक संघ कार्यकारी समिती सदस्य यांनी अभिनंदन केले.