शेतकऱ्यांचे जीवनमान उंचावण्यात मोठे योगदान
शेतकऱ्यांचे जीवनमान उंचवण्यात
डॉ. स्वामिनाथन यांचे मोठे योगदान
डॉ. संकेत कदम ः सावर्डेत शाश्वत शेती दिन साजरा
सकाळ वृत्तसेवा
सावर्डे, ता. १० : ‘डॉ. स्वामिनाथन यांचे कार्य केवळ कृषी विभागापर्यंत मर्यादित नसून त्यांनी शेतकऱ्यांचे जीवनमान उंचावण्यासाठी आणि देशाची अन्नसुरक्षा सुनिश्चित करण्यासाठी मोठे योगदान दिले आहे,’ असे प्रतिपादन डॉ. संकेत कदम यांनी केले.
कृषिभूषण डॉ. तानाजीराव चोरगे शिक्षण व संशोधन संस्था, मांडकी-पालवण संचलित गोविंदरावजी निकम कृषी महाविद्यालय व जिजामाता महिला कृषी महाविद्यालयाच्या संयुक्त विद्यमाने आयोजित कार्यक्रमात ते बोलत होते. भारताच्या हरित क्रांतीचे जनक, महान कृषी शास्त्रज्ञ आणि भारतरत्न डॉ. एम.एस. स्वामिनाथन यांची जयंती ''शाश्वत शेती दिन'' म्हणून साजरी करण्यात आली. या कार्यक्रमाची सुरुवात डॉ. स्वामिनाथन यांच्या प्रतिमेला पुष्पहार अर्पण करून करण्यात आली.
याप्रसंगी कृषी महाविद्यालयातील प्रा. विघ्नेश सकपाळ यांनी ''शाश्वत शेती'' या विषयावर विद्यार्थ्यांना पर्यावरणपूरक तंत्रज्ञान आणि नैसर्गिक शेतीचे महत्त्व समजावून सांगितले. हवामानातील बदलांमुळे शेतीवर होणाऱ्या परिणामांवर मात करण्यासाठी शाश्वत शेती कशी फायदेशीर ठरू शकते, यावर त्यांनी मार्गदर्शन केले. या कार्यक्रमासाठी जिजामाता महिला कृषी महाविद्यालयाचे उपप्राचार्य बाळासाहेब सूर्यवंशी, डॉ. पांडुरंग मोहिते, डॉ. सुनील दिवाळे आणि प्राध्यापक व विद्यार्थी उपस्थित होते.
---
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.