महाविद्यालयीन जीवन करिअरसाठी दिशादर्शक
83467
महाविद्यालयीन जीवन करिअरसाठी दिशादर्शक
अजय कांडरः दोडामार्ग महाविद्यालयाचा रौप्य महोत्सवी वर्धापन दिन
सकाळ वृत्तसेवा
दोडामार्ग, ता. १० : कॉलेज जीवनात विद्यार्थ्याने आयुष्याचा आराखडा तयार केला पाहिजे. आपल्यातील कलागुणांची वाढ कॉलेज जीवनात होत असते. त्यामुळे लेखन आणि वाचन अत्यंत महत्त्वाचे आहे. यातूनच आपण समृद्ध होऊ शकतो. वाचनामुळे गुणवत्तेची रेषा उंचावेल आणि भविष्यातील जीवनपट रेखाटण्याचे सामर्थ्य अंगी बाणवेल, असा कानमंत्र कवी व लेखक अजय कांडर यांनी विद्यार्थ्यांना दिला.
येथील लक्ष्मीबाई सीताराम हळबे महाविद्यालयाच्या रौप्य महोत्सवी वर्धापन दिनानिमित्त आयोजित कार्यक्रमात ते बोलत होते. कार्यक्रमाच्या अध्यक्षस्थानी संस्थेचे चेअरमन अभिजित हेगशेट्ये होते.
श्री. कांडर म्हणाले, "शिक्षण हा स्वतःचा विकास व बुद्धिजीवी समाज घडवण्याचा मूलभूत पाया आहे. भावी पिढी घडविण्यासाठी नवनिर्माण शिक्षण संस्था मोलाचे कार्य करीत आहे. अतिदुर्गम भागातील विद्यार्थ्यांसाठी दोडामार्गसारख्या ठिकाणी कॉलेज उभारून विद्यार्थ्यांना पदवीपर्यंतच्या शिक्षणाची सोय करून दिली. ही गोष्ट खूप खडतर आहे. चेअरमन अभिजित हेगशेट्ये यांनी २५ वर्षांपूर्वी जे रोपटे रुजवले, त्याचा आता विशाल वटवृक्ष झाला आहे."
हेगशेट्ये म्हणाले, "कॉलेजच्या उभारणीमुळे परिसरातील मुला-मुलींना शिक्षण देण्याची संधी लाभली. सहकाऱ्यांमुळे नव्याने काम करण्याची ऊर्जा मिळते. हॉटेल मॅनेजमेंटच्या माध्यमातून रोजगारभिमुख शिक्षण देऊन विद्यार्थ्यांना रोजगाराची संधी मिळवून देण्यासाठी आम्ही प्रयत्नशील आहोत. विद्यार्थ्यांनी याचा लाभ घेऊन आपले करिअर घडवावे." यावेळी विवेकानंद नाईक, राजेंद्र केरकर, डॉ. हेमंत पेडणेकर, प्राचार्य डॉ. सुभाष सावंत, भेडशी हायस्कूलचे मुख्याध्यापक नंदकुमार नाईक, सूचन कोरगावकर, रत्नदीप गवस, सचिव संदेश देसाई, तेजस देसाई, भूषण सावंत, महाविद्यालयाचे प्राध्यापक व विद्यार्थी मोठ्या संख्येने उपस्थित होते. यावेळी महाविद्यालयातर्फे वार्षिक ''सुरंगी व नवदर्पण'' या अंकाबरोबरच अर्थशास्त्र विभागाचे प्रमुख डॉ. एस. यू. दरेकर व वाणिज्य विभाग प्रमुख डॉ. आर. एस. इंगळे यांच्या पुस्तकांचे प्रकाशान मान्यवरांच्या हस्ते करण्यात आले. सूत्रसंचालन सांस्कृतिक विभाग प्रमुख प्रा. डॉ. पी. डी. गाथाडे यांनी, प्रास्ताविक प्रा. डॉ. सुभाष सावंत यांनी केले. आभार प्रा. डॉ. संजय खडपकर यांनी मानले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.