पटवर्धन हायस्कूलमध्ये गणेशमूर्ती

-rat१०p४२.jpg-
२५N८३५१४
रत्नागिरी : पटवर्धन हायस्कूलमध्ये आयोजित गणेशमूर्ती कार्यशाळेत विद्यार्थ्यांनी साकारलेले गणपती व कलाकार विद्यार्थिनी.
------

‘पटवर्धन’मध्ये गणेशमूर्ती कार्यशाळा
सकाळ वृत्तसेवा
रत्नागिरी, ता. १० : येथील पटवर्धन हायस्कूलमध्ये गणेशमूर्ती बनवण्याची कार्यशाळा उत्साहात पार पडली. मूर्तिकार व कलाकार श्रीकांत ढालकर यांच्या मार्गदर्शनाखाली ही कार्यशाळा घेण्यात आली.
इयत्ता पाचवीतील विद्यार्थ्यांनी मोठ्या उत्साहाने यात सहभाग नोंदवला. या उपक्रमातून विद्यार्थ्यांच्या कलागुणांना वाव मिळून त्यांच्यातील सर्जनशीलता खुलून आली. स्पर्धेत प्रथम क्रमांक सुजय माने, द्वितीय गौरी धूमक आणि तृतीय मंथन आंब्रे यांनी मिळवला. तीन उत्तेजनार्थ बक्षिसेही देण्यात आली. या उपक्रमाचे आयोजन पाचवीचे कलाशिक्षक श्री. धामापूरकर यांनी केले. कार्यक्रमास शाळेचे कलाशिक्षक व उपमुख्याध्यापक रूपेश पंगेरकर, मुख्याध्यापिका जानकी घाटविलकर आणि पर्यवेक्षक अमर लवंदे उपस्थित होते.