बांदा नट वाचनालयात ग्रंथपाल दिन उत्साहात

83544

बांदा नट वाचनालयात
ग्रंथपाल दिन उत्साहात
सकाळ वृत्तसेवा
बांदा, ता. ११ ः येथील नट वाचनालयात ऑगस्ट क्रांती दिन व ग्रंथालयशास्त्राचे जनक डॉ. एस. आर. रंगनाथन यांची जयंती ग्रंथपाल दिन म्हणून साजरी करण्यात आली. यावेळी वाचनालयाचे अध्यक्ष एस. आर. सावंत, उपाध्यक्ष नीलेश मोरजकर, संचालक प्रकाश पाणदरे, अंकुश माजगावकर, अनंत भाटे यांच्या हस्ते दीपप्रज्वलन झाले.
क्रांतिकारकांच्या व डॉ. रंगनाथन यांच्या प्रतिमेला पुष्पहार घालण्यात आला. प्रमुख पाहुणे भाटे यांनी भारताच्या स्वातंत्र्यासाठी बलिदान दिलेल्या क्रांतिकारकांच्या कार्याची आठवण करून दिली. तसेच डॉ. रंगनाथन यांनी ग्रंथालयांच्या विकासासाठी केलेल्या कामाची माहिती दिली. यावेळी वाचनालयाच्या संचालिका स्वप्निता सावंत, जगन्नाथ सातोस्कर, दर्शना केसरकर, जगन्नाथ शेटकर, अभिजित पोरे, सालू परेरा उपस्थित होते. सूत्रसंचालन सचिव राकेश केसरकर यांनी केले.
....................
83545

नाभिक समाज संघटनेतर्फे
मळेवाडला साहित्य वाटप
सकाळ वृत्तसेवा
सावंतवाडी, ता. ११ ः मळेवाड पंचक्रोशी नाभिक संघटनेच्या लकी ड्रॅा विजेत्यांना मळेवाड येथील गजानन महाराज मंदिर येथे बक्षीस वितरण करण्यात आले. यावेळी संघटनेकडून नाभिक समाजातील व्यक्तींना उपयुक्त साहित्य भेट देण्यात आले.
यावेळी नीलेश परब, सुरेश पाटील, उत्तम न्हावेलकर, आनंद न्हावी आदींचा सत्कार करण्यात आला. लकी ड्रॅाचे विजेते सुनील न्हावेलकर, द्वितीय क्रमांक संदेश आरोसकर, तृतीय अजय तळवणेकर यांना बक्षीस मिळाले. इतर उत्तेजनार्थ बक्षिसेही वितरित करण्यात आली.
नाभिक संघटना सावंतवाडी तालुकाध्यक्ष सदानंद पवार, शांताराम वेतुरेकर, दया वेंगुर्लेकर, चेतन तोरस्कर, हनुमंत कारिवडेकर, मळेवाड पंचक्रोशी विभाग अध्यक्ष अजय तळवणेकर, सुनील न्हावेलकर, पुरुषोत्तम न्हावी, आनंद न्हावेलकर, संदेश आरोसकर, नंदकिशोर चव्हाण, नवनाथ तिरोडकर, वसंत चव्हाण, अमित न्हावी, मनोहर कवठणकर उपस्थित होते. सूत्रसंचालन नवनाथ तिरोडकर यांनी केले.