मालवण मेढा य़ेथे शुक्रवारी श्रीकृष्ण जन्माष्टमी उत्सव

मेढा येथे शुक्रवारी
जन्माष्टमी उत्सव
मालवण: शहरातील मेढा येथील श्री देव मुरलीधर मंदिरात श्रीकृष्ण जन्माष्टमी उत्सव शुक्रवारी (ता. १५) साजरा होणार आहे. यानिमित्त विविध धार्मिक व सांस्कृतिक कार्यक्रमांचे आयोजन करण्यात आले आहे. यानिमित्त १० ला रात्री ८ वाजता अष्टपैलू कलानिकेतन प्रस्तुत ''भक्तिरंग'' गायनाचा कार्यक्रम, ११ ला ८ वाजता श्री देव शंकर मंदिर मेढा येथील महिला वारकरी दिंडी भजन मंडळाचे दिंडी भजन, १२ ला रात्री १० वाजता घुमडाई प्रासादिक भजन मंडळ घुमडे यांचे भजन, १३ ला रात्री ८ वाजता श्री मोबारेश्वर वारकरी संगीत भजन देवबाग (बुवा योगेश राऊळ) यांचे भजन, १४ ला रात्री ८ वाजता महेश धामापूरकर यांचे कीर्तन, १४ ऑगस्टपर्यंत दररोज सायंकाळी ७ वाजता मंदिराभोवती पालखी प्रदक्षिणा होणार आहे. तसेच १५ ला रात्री १०.३० वाजता श्रीकृष्ण जन्माष्टमी निमित्त दर्शन वझे यांचे कीर्तन, कृष्णजन्मानंतर रात्री १२.३० वाजता मुरलीधर मंदिर ते राम मंदिर पालखी सोहळा, १६ ला दुपारी १ वाजता महाप्रसाद, १७ ला सायंकाळी ४ वाजता दहीहंडी (दहीकाला) व त्यानंतर सायंकाळी ५ वाजता मालवण बाजारपेठ मार्गे मौनीनाथ मंदिर मेढा मार्गे पालखी सोहळा होणार आहे. भाविकांनी उपस्थित राहून कार्यक्रम व दर्शनाचा लाभ घ्यावा, असे आवाहन श्री देव मुरलीधर मंदिर व बालगोपाळ मित्रमंडळ, मेढा-मालवण यांनी केले आहे.