वरवडे, कोष्टीवाडी परिसरातील ज्येष्ठांसह गुणवंतांचाही सत्कार

83632

वरवडे, कोष्टीवाडी परिसरातील
ज्येष्ठांसह गुणवंतांचाही सत्कार

मित्रमंडळाच्या वर्धापनदिनाचे निमित्त

कणकवली, ता. ११ ः वरवडे (ता. कणकवली) येथील कोष्‍टीवाडी मित्रमंडळाचा पहिला वर्धापन दिन नुकताच झाला. यावेळी कोष्‍टीवाडीतील १७ ज्येष्‍ठ नागरिकांचा, तर वरवडे गावातील ४२ गुणवंतांचा सत्‍कार करण्यात आला. तसेच वरवडे शाळा नं. १ मधील विद्यार्थ्यांना शालेय साहित्‍याचे वाटप केले.
कोष्‍टीवाडीतील तुषार बुचडे यांच्या निवासस्थानी झालेल्‍या कार्यक्रमात ज्‍येष्‍ठ मान्यवरांच्या हस्ते दीपप्रज्‍वलन आणि छत्रपती शिवाजी महाराज यांच्या प्रतिमेस पुष्पहार अर्पण करून कार्यक्रमाचा प्रारंभ केला. अध्यक्षस्थानी मंडळाचे अध्यक्ष विजय कडुलकर होते. उपाध्यक्ष प्रशांत सावंत, सचिव संदीप राणे, सहसचिव तेजस पोयेकर, खजिनदार दर्शन पोयेकर यांच्यासह सुरेश पोयेकर, धनंजय सावंत, शरद पोयेकर, शरद लाड, तुषार बुचडे, प्रभाकर बुचडे, स्वप्नील सावंत, प्रशांत केळवलकर, नरेंद्र कांबळी, नागेश राणे, सुशांत सावंत, संतोष राणे, मिलिंद बुचडे, सुभाष सावंत, अक्षय पोयेकर, दीपक पोयेकर आदी उपस्थित होते.
कार्यक्रमात मंडळाचे अध्यक्ष विजय कडुलकर आणि धनंजय सावंत यांनी वर्षभरात राबविलेले रक्‍तदान शिबिर, स्वच्छता तसेच इतर उपक्रमांची माहिती दिली. शरद लाड यांनीही मनोगत व्यक्‍त केले. वाडीतील २२ ज्‍येष्‍ठ नागरिकांना शाल, श्रीफळ देऊन गौरविण्यात आले. दहावी, बारावी, पदवी, शिष्‍यवृत्ती, तसेच अन्य स्पर्धा परीक्षांतील गुणवंतांना भेटवस्तू देऊन गौरविले. वरवडे शाळा नं. १ येथील अंगणवाडी आणि विद्यार्थांना शालेय साहित्‍याचे वितरण केले.