सावतंवाडीत गुरुवारी ‘तिरंगा दौड’ स्पर्धा

83660

सावतंवाडीत गुरुवारी
‘तिरंगा दौड’ स्पर्धा
सावंतवाडी ः ‘हर घर तिरंगा’ अभियान जिल्हा संयोजक संदीप गावडे यांच्या संकल्पनेतून आणि महेंद्रा अॅकॅडमीच्या सहकार्यातून व सिंधुदुर्ग जिल्हा भाजपच्या माध्यमातून देशभक्ती आणि फिटनेसचा संदेश देणारी ‘तिरंगा दौड’ स्पर्धा गुरुवारी (ता. १४) आयोजित केली आहे. ही स्पर्धा सकाळी सव्वासहा वाजता येथील शिवरामराजे भोसले उद्यान येथून सुरू होऊन पुन्हा तिथेच ती समाप्त होणार आहे. स्पर्धेत सहभागी होणाऱ्या सर्व खेळाडूंना प्रमाणपत्र, पदक आणि टी-शर्ट देण्यात येणार आहे. स्पर्धेसाठी सर्व वयोगटातील नागरिक सहभागी होऊ शकतात. यामध्ये महिला आणि पुरुषांसाठी स्वतंत्र गट आहेत. स्पर्धेतील विजेत्यांना आकर्षक बक्षिसे दिली जाणार आहेत. यात पुरुषांसाठी ​१००००, ७००० आणि ५००० रुपये, ​१४ वर्षांखालील मुलांसाठी ३०००, २०००, १००० रुपये, ​महिला गटासाठी ५०००, ३००० व २००० तर ​लहान मुलींसाठी ३०००, २००० आणि १००० अशी बक्षिसे आहेत. ​जास्तीत जास्त स्पर्धकांनी सहभाग घ्यावा, असे आवाहन आयोजकांनी केले आहे. स्वातंत्र्य दिनाचा आनंद साजरा करणे आणि नागरिकांमध्ये राष्ट्रप्रेम वाढविणे, हा या स्पर्धेचा मुख्य उद्देश आहे. सहभागी होण्यासाठी लवकरच नोंदणी प्रक्रिया सुरू होणार आहे.
......................
83787

विशाल परब यांच्याकडून
पाटकर कुटुंबीयांचे सांत्वन
सावंतवाडी, ता. ११ ः एसटी व दुचाकी अपघातात मृत्यू पावलेल्या माजगाव कुंभारवाडा येथील रुपेश पाटकर यांच्या कुटुंबीयांची युवा नेते विशाल परब यांनी भेट घेत सांत्वन केले. तालुक्यातील मार्गावर कुंभारवाडा येथील रुपेश पाटकर (वय ३२) या तरुणाचा शुक्रवारी (ता. ८) अपघाती मृत्यू झाला होता. श्री. परब यांनी त्यांच्या घरी भेट देत कुटुंबीयांचे सांत्वन केले. यावेळी त्यांच्यासोबत माजी शिक्षण व आरोग्य सभापती मंगेश तळवणेकर, माजगावचे माजी सरपंच दिनेश सावंत, चराठा उपसरपंच अमित परब, केतन आजगावकर, अमय पै आदी उपस्थित होते.