वक्तृत्व स्पर्धेतून अंमली पदार्थ जनजागृती

Rat१२p८.jpg-
२५N८३८६८
मंडणगड: जनजागृती कार्यक्रमांत कार्यक्रमाचे अध्यक्ष रमेश दळवी यांचे स्वागत करताना शाळेचे उपमुख्याध्यापक अर्जुन हुल्लोळी व अन्य.
----
वक्तृत्व स्पर्धेतून अमली पदार्थ जनजागृती
डॉ. आंबेडकर हायस्कूल; १८ विद्यार्थ्यांचा सहभाग
सकाळ वृत्तसेवा
मंडणगड, ता. १२ ः मंडणगड तालुका विकास मंडळ संचलित डॉ. बाबासाहेब आंबेडकर हायस्कूल व कनिष्ठ महाविद्यालय येथे अमली पदार्थविरोधी जनजागृती कार्यक्रमानिमित्त वक्तृत्व स्पर्धा आयोजित करण्यात आल्या होत्या. त्यामध्ये १८ विद्यार्थ्यांनी सहभाग घेतला होता.
संस्थेचे उपाध्यक्ष रमेश दळवी यांच्या मार्गदर्शनाखाली ही स्पर्धा झाली. या प्रसंगी शाळेचे उपमुख्याध्यापक अर्जुन हुल्लोळी यांनी अमली पदार्थविरोधी जनजागृती काळाची गरज या विषयी माहिती दिली. पर्यवेक्षक शांताराम बैकर यांनी १९८५ पासून अमली पदार्थविरोधी कायदा भारतात लागू झाल्याचे सांगितले. कार्यक्रमाला शाळेतील सर्व शिक्षक, शिक्षकेतर कर्मचारी उपस्थित होते. या वेळी आयोजित केलेल्या वक्तृत्व स्पर्धेत लहान गटात कार्तिक कोळेकर, श्रुतिका राजेभोसले, अवनी मर्चंडे यांनी तर मोठ्या गटात सायली शिगवण, रोशनी जाधव, शिरीष भोसले यांनी प्रथम, द्वितीय व तृतीय क्रमांक पटकावला. स्पर्धेचे परीक्षण विठ्ठल केंद्रे, शहाजी पाटील, प्रकाश हेलोंडे यांनी केले.