संजू परब यांचा मंगळवारी सावंतवाडी येथे वाढदिवस

83921

संजू परब यांचा मंगळवारी
सावंतवाडी येथे वाढदिवस

विविध कार्यक्रमांचे आयोजन

सावंतवाडी, ता. १२ ः शिवसेना जिल्हाप्रमुख सच्चिदानंद ऊर्फ संजू परब यांचा वाढदिवस मंगळवारी (ता. १९) विविध सामाजिक आणि सांस्कृतिक कार्यक्रमांनी साजरा होणार आहे. वाढदिवसाचा मुख्य सोहळा हा हॉटेल मँगोच्या सभागृहात सकाळी १०.३० वाजता होणार आहे. या सोहळ्याला आमदार दीपक केसरकर व आमदार नीलेश राणे यांची प्रमुख उपस्थिती असेल. याबाबतची माहिती शिवसेना तालुकाप्रमुख बबन राणे यांनी आज आयोजित पत्रकार परिषदेत दिली.
वाढदिवसाचे औचित्य साधून १७, १८ आणि १९ ऑगस्ट असे तीन दिवस नाट्य महोत्सवाचे आयोजन केले आहे. यात दशावतार नाटकांसह एका ऐतिहासिक नाटकाचाही समावेश आहे. शिवसेना शहरप्रमुख बाबू कुडतरकर यांच्या माध्यमातून लाखे वस्ती आणि महिला निवारा केंद्रात साहित्य वाटप केले जाणार आहे. मळेवाड-कोंडुरे येथील दिव्यांग शाळा आणि रोणापाल येथील छात्रालयात क्रीडा साहित्य वाटप करण्यात येणार आहे. दोडामार्ग, वेंगुर्ले व सावंतवाडी येथेही विभागप्रमुख प्रेमानंद देसाई, दोडामार्ग तालुकाप्रमुख गणेशप्रसाद गवस व वेंगुर्ले तालुकाप्रमुख नितीन मांजरेकर यांच्या माध्यमातून विविध कार्यक्रमांचे आयोजन केले आहे.
यावेळी शहरप्रमुख बाबू कुडतरकर, जिल्हा उपप्रमुख झेवियर फर्नांडिस, तालुका उपप्रमुख भैया गोवेकर, तालुका उपप्रमुख अक्षय पार्सेकर, संजय माजगावकर, जीवन लाड, बांदा विभागप्रमुख राजेश विर्नोडकर, आरोंदा विभागप्रमुख शेखर मांजरेकर, संदेश सोनुर्लेकर, राजन रेडकर, गजानन नाटेकर, पप्पू सावंत, लक्ष्मण ऊर्फ आना गावकर, पंढरी राऊळ, माजी नगरसेविका भारती मोरे, गुंडू जाधव आणि सुरेश होडावडेकर आदी उपस्थित होते.