‘विकास गेला खड्डयात’
84055
‘विकास गेला खड्डयात’
वैभववाडीत घोषणाबाजी; ठाकरे शिवसेनेचे आंदोलन
सकाळ वृत्तसेवा
वैभववाडी, ता. १२ ः शहरात आणि तालुक्यातील रस्त्यांना पडलेल्या खड्ड्यांविरोधात ठाकरे शिवसेनेने आज अनोखे आंदोलन छेडले. येथील संभाजी चौकातील खड्ड्यात दगड ठेवला. त्याला हळद, कुंकू लावून पूजन केले आणि हार देखील घातला. यावेळी उपस्थित कार्यकर्त्यांनी ‘महायुती सरकारचा निषेध असो’, ‘विकास गेला खड्ड्यात’ अशा घोषणा दिल्या.
ठाकरे शिवसेनेचे नेते, पदाधिकारी आज वैभववाडीत संपर्क कार्यालयाच्या उद्‍घाटन कार्यक्रमासाठी आले होते. तत्पूर्वी सर्व पदाधिकारी आणि कार्यकर्ते संभाजी चौकात एकत्र आले. या ठिकाणी मोठ्या प्रमाणात खड्डे पडलेले आहेत. याशिवाय तालुक्यातील अनेक रस्त्यांना खड्डे पडलेले आहेत. त्यामुळे ठाकरे शिवसेनेने अनोख्या पद्धतीने आंदोलन केले.
------------
खड्ड्यातील दगडाला हार, कुंकू
‘महायुती सरकारचा निषेध असो’, ‘महायुती सरकारचे करायचे काय, खाली डोके वर पाय’, ‘विकास गेला खड्ड्यात’, ‘शिवसेना जिंदाबाद’ आदी घोषणा देत ठाकरे शिवसेनेच्या पदाधिकाऱ्यांनी खड्ड्यात एक दगड ठेवला. त्या दगडाला हळद, कुंकू लावून हार देखील घातला. आगळेवेगळे आंदोलन सुरू असल्यामुळे चौकात नागरिकांची मोठी गर्दी झाली होती. त्यानंतर तेथून वाजतगाजत कार्यालयापर्यंत सर्व पदाधिकारी गेले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.