साडेसहा हजार कोटी वर्षांपूर्वीचे जीवाश्म चिपळुणात

-rat१३p२७.jpg-
२५N८४२६४
चिपळूण ः साडेसहा हजार कोटी वर्षापूर्वीचे जीवाश्म लोटिस्माचे प्रकाश देशपांडे यांच्याकडे सुपूर्द करताना डॉ. अजित वर्तक.
-----
दुर्मिळ जीवाश्मचे नमुने वाचनालयास भेट
डॉ. अजित वर्तक यांचा पुढाकार ; लोटिस्मा संग्रहालयाचे महत्त्वात भर
सकाळ वृत्तसेवा
चिपळूण, ता. १३ ः भूविज्ञानातील पुराजीवाश्मशास्त्र विषयाचे ज्येष्ठ अभ्यासक डॉ. अजित वर्तक (पुणे) यांनी साडेसहा हजार कोटी वर्षांपूर्वीचे दुर्मिळ जीवाश्म नमुने लोकमान्य टिळक स्मारक वाचनालयाच्या वस्तुसंग्रहालयाला भेट दिले आहेत. मंगळवारी चिपळूणमध्ये झालेल्या एका छोटेखानी कार्यक्रमात हे नमुने वाचनालयाचे मार्गदर्शक व इतिहास संशोधक प्रकाश देशपांडे यांच्याकडे सुपूर्द करण्यात आले.
एका खास कार्यक्रमासाठी डॉ. वर्तक पुण्याहून चिपळूणला आले होते. या वेळी त्यांनी वाचनालयातील तैलचित्र दालन व वस्तुसंग्रहालयाला भेट देत समुद्राच्या अधःस्तरातून सापडलेले दुर्मिळ जीवाश्म नमुने कायमस्वरूपी संग्रहित करण्यासाठी दिले. हे जीवाश्म तामिळनाडूतील क्रीचनापल्ली परिसरातील अरीअलुर भागात आढळले आहेत. या भागात पूर्वी समुद्र असल्याने आणि नंतर तो मागे हटल्याने येथे मोठ्या प्रमाणात खाणींमध्ये प्राचीन समुद्री जीवांचे जीवाश्म आढळतात.
डॉ. वर्तक यांनी याच विषयावर ‘अमोनाईट’ या खनिजाच्या अभ्यासासह पीएचडी केली आहे. त्यांनी सांगितले की, अरीअलुर भागातील जीवाश्मांचा वैज्ञानिक, शैक्षणिक आणि सांस्कृतिकदृष्ट्या मोठा अभ्यासमूल्य आहे. हे नमुने चिपळूणमध्ये येणे ही स्थानिकांसाठी अभिमानाची बाब आहे. कार्यक्रमास पर्यावरण आणि देवराया संवर्धन विषयावर कार्य करणाऱ्या डॉ. अर्चना गोडबोले, समालोचक सचिन कुलकर्णी यांचीही उपस्थिती लाभली.

चौकट
विद्यार्थी, संशोधकांना लाभदायी
या प्रसंगी वाचनालयाचे मार्गदर्शक प्रकाश देशपांडे यांनी सांगितले, वस्तुसंग्रहालयात या जीवाश्मांचा समावेश झाल्याने त्याचे शैक्षणिक महत्त्व अधिक वाढेल. विद्यार्थ्यांना, संशोधकांना आणि इतिहासप्रेमींना प्रत्यक्ष जीवाश्म पाहण्याची संधी मिळेल.