मंडणगड ः मंडणगडात ८५३ दहीहंडी फुटणार

- Rat१४p९.jpg
२५N८४४२४
मंडणगड: गोविंदा पथकाचे टी शर्टचे अनावरण करताना भाजप माजी तालुकाध्यक्ष अप्पा मोरे, राकेश साळुंखे, योगेश जाधव व अन्य.

मंडणगडात आठशे दहीहंडी फुटणार
उत्सवाची उत्सुकता शिगेला; उंच मानवी थर
सकाळ वृत्तसेवा
मंडणगड, ता. १४ ः श्रीकृष्ण जन्माष्टमी व दहीहंडीचे कार्यक्रमाची जोरदार तयारी शहरासह तालुक्यात सुरू आहे. तालुक्यात यावर्षी ८५३ दहीहंडी फुटणार आहेत. गोविंदा आला रे आलाच्या जयघोषात थरावर थर रचत दहीहंडी फोडण्यासाठी गोविंद पथक तयार झाले आहेत.
मंडणगड पोलिस ठाण्याचे हद्दीत ३ सार्वजनिक व ४८५ खासगी दहीहंड्या बांधण्यात येणार आहेत. बाणकोट सागरी पोलिस ठाण्याच्या हद्दीत १ सार्वजनिक व ३६९ खासगी दहीहंड्या बांधण्यात येणार आहेत. या निमित्ताने शहरात विविध सांस्कृतिक कार्यक्रमासह कार्यक्रमांचे आयोजन करण्यात आले आहे. एमपीथ्री ग्रुपच्या माध्यमातून १४ ऑगस्ट रोजी बाजारपेठ नगरपंचायत संकुलासमोर चोर दहीहंडी कार्यक्रमाचे आयोजन करण्यात आले. खेड-दापोली-महाड-मंडणगड येथील दहाहून अधिक गोविंदा पथके या कार्यक्रमाला उपस्थित राहणार आहेत. त्यात महिलांचा गोविंदा पथकाचा समावेश आहे. या निमित्ताने नवज्योत गौड, योगेश जंगम, अविनाश खेडेकर, सतीश बेर्डे यांच्यावतीने लावणी नृत्य कार्यक्रमाचे आयोजन करण्यात आले आहे. या वेळी भाजप माजी तालुकाध्यक्ष अप्पा मोरे, राकेश साळुंखे, नगरसेवक योगेश जाधव, मंगेश लाखण आदी उपस्थित राहणार आहेत. शहरातील सर्वात मोठ्या ओमसाई गोविंदा पथकाचे टी शर्टचे अनावरण दुर्गादेवी मंदिर परिसरात आयोजित कार्यक्रमात अनावरण करण्यात आले. तालुक्यातील ग्रामीण भागातही कृष्णजन्मानिमित्त विविध धार्मिक कार्यक्रमांचे आयोजन केले आहे.

या पथकांकडून जय्यत तयारी
गोविंदाचा जोरदार सराव सुरू असून, ओमसाई गोविंदा पथकाने सात थरांची तयारी पूर्ण केली आहे. दरम्यान, मंडणगड शहरात शहर शिवसेना, ओमसाई गोविंदा पथक, गांधीचौक व दुर्गवाडी ग्रामस्थ, भिंगळोली येथे भिंगळोली गावकी भाजप तालुका मंडणगड, युवासेना चेतन सातोपे यांच्यावतीने कार्यक्रमांची तयारी असून, यंदा उंच थरासह मनोरंजनाचे कार्यक्रम आयोजन करण्यात आले आहेत.