झारापमध्ये रानभाज्यांचे प्रदर्शन
84567
झारापमध्ये रानभाज्यांचे प्रदर्शन
मसुरे ः डॉ. बाळासाहेब सावंत कोकण कृषी विद्यापीठ दापोली मान्यताप्राप्त छत्रपती शिवाजी कृषी महाविद्यालय, किर्लोस-ओरोस येथील कृषिकन्यांच्या पुढाकाराने झाराप येथील केंद्रशाळा क्र. १ येथे रानभाज्यांचे प्रदर्शन व पाककला स्पर्धा यांचे आयोजन करण्यात आले. या कार्यक्रमाचे आयोजन प्रा. भेंडे, प्रा. गोपाळ गायकी, प्रा. भावना पाताडे, प्रा. महेश परुळेकर व प्रा. प्रसाद ओगले यांच्या मार्गदर्शनाखाली झाले. प्रतीक्षा पाटील, साक्षी ठाकूर, अनस्वरा के. उदय, रिफाना फातिमा आणि शिवरंजिनी आर. या कृषिकन्यांनी कार्यक्रमाचे संचालन केले. पारंपरिक रानभाज्यांचे प्रदर्शन होते. रानभाज्यांचा वापर करून विविध चविष्ट व पौष्टिक पारंपरिक पदार्थांची पाककला स्पर्धा घेण्यात आली. या कार्यक्रमात शाळेचे अमोल तेली, सरपंच दक्षता मेस्त्री, कृषी सहाय्यक जागृती शेट्ये उपस्थित होते. रानभाज्यांचे पोषणमूल्य, औषधी उपयोग व स्थानिक अन्नसंस्कृती सामान्यांपर्यंत पोहोचविण्याच्या दृष्टीने हा उपक्रम उपयुक्त ठरला.
---------
84566
सामुदायिक पसायदान पठण
तळेरे : कला, वाणिज्य महाविद्यालय फणसगाव येथे संतश्रेष्ठ ज्ञानेश्वर माऊलींच्या सप्त शतकोत्तर सुवर्ण महोत्सवी जयंतीनिमित्त सामुदायिक पसायदान पठण कार्यक्रमाचे आयोजन करण्यात आले. यानिमित्त पसायदान सामूहिक पठण करण्यात आले. यावेळी कार्यक्रमाचे अध्यक्ष महाविद्यालयाच्या प्राचार्या अनुश्री नारकर यांनी दीपप्रज्ज्वलन करून संतश्रेष्ठ ज्ञानेश्वर माऊलींच्या प्रतिमेला पुष्पहार घातला. मराठी विभाग प्रमुख प्रा. जान्हवी नारकर यांनी या कार्यक्रमाचे प्रास्ताविक केले व विद्यार्थ्यांना संतश्रेष्ठ ज्ञानेश्वरांबाबत माहिती दिली. प्रा. आशिष ढेकणे यांनी सामूहिक पसायदान पठण करून घेतले. विद्यार्थिनी रिया अनुभवणे हिने सूत्रसंचालन केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.