कणकवलीत भित्तीपत्रकाचे विमोचन

84778

कणकवलीत भित्तीपत्रकाचे विमोचन
कणकवली, ता.१८ ः येथील महाविद्यालयात कनक नियतकालिक विभागातर्फे काढलेल्या कनक भित्तीपत्रकाचे आणि विज्ञान विभागाने प्रसिद्ध केलेल्या विज्ञान विशेष भित्तीपत्रकाचे विमोचन शिक्षण प्रसारक मंडळाच्या चेअरमन डॉ. राजश्री साळुंखे आणि किमान कौशल्य अभ्यासक्रमाचे विभाग प्रमुख राजू जामदार यांच्या हस्ते झाले. कणकवली महाविद्यालयात कनक नियतकालिक विभागाने स्वातंत्र्य दिन आणि प्रजासत्ताक दिनानिमित्त ५५ वर्षांपासून भित्तीपत्रकाची परंपरा कायम राखली आहे. यावेळी दोन भित्तीपत्रकांचे विमोचन करण्यात आले. विज्ञान विभागामार्फत ‘आरोग्य सेवा, विकास व उत्क्रांती’ या विषयावर तर कनक विभागातर्फे विद्यार्थि लिखित कविता, लेख, छायाचित्र प्रदर्शित केले आहेत. याप्रसंगी प्रभारी प्राचार्य युवराज महालिंगे, कनक नियतकालिक विभागप्रमुख डॉ. सोमनाथ कदम, पर्यवेक्षक महादेव माने आदी उपस्थित होते.