लांजा शहर डीपीप्लॅनच्या स्थगितीसाठी उपोषण

-rat१६p२८.jpg-
२५N८४७३९
ःलांजा ः लांजा-कुवे बचाव समितीने केलेल्या उपोषणादरम्यान बोलताना भाजपचे जिल्हाध्यक्ष राजेश सावंत. शेजारी ठाकरे गटाचे जिल्हाप्रमुख दत्ता कदम आणि पदाधिकारी.
---
लांजा आराखड्याच्या स्थगितीसाठी उपोषण
भाजपसह राष्ट्रवादी, उबाठाचे पदाधिकारी सहभागी
सकाळ वृत्तसेवा
लांजा, ता. १६ ः लांजा शहराच्या प्रारूप विकास आराखड्याविरोधात लांजा कुवे बचाव समितीने १५ ऑगस्टला तहसील कार्यालयासमोर लाक्षणिक उपोषण केले. लोकांच्या घरादारावर नांगर फिरवणाऱ्या विकास आराखड्याला स्थगिती मिळाली पाहिजे, ही आग्रही मागणी उपोषणाद्वारे केली जात आहे. मोठ्या संख्येत दोन्ही गावांतून नागरिक या उपोषणात सहभागी झाले. या उपोषणाला भाजपा, काँग्रेस, राष्ट्रवादी काँग्रेस (शरद पवार गट), शिवसेना (उबाठा), जनतादल पक्षाने जाहीर पाठिंबा देत पक्षाचे प्रमुख पदाधिकारी उपोषणात सहभागी झाले.
प्रारूप विकास आराखडा (डीपी)विरोधात लांजा-कुवे बचाव समिती आणि नागरिकांच्यावतीने उपोषण छेडण्यात आले. या संदर्भात १३ ऑगस्टला तहसील कार्यालयात प्रशासनाची बैठक झाली; मात्र या बैठकीत नागरिकांच्या प्रश्नांसंदर्भात अधिकाऱ्यांकडून समर्पक उत्तरे मिळाली नाहीत तसेच शहरातील रस्ते नऊ मीटरपेक्षा कमी करता येणार नाहीत, असे अधिकारी यांनी स्पष्ट सांगितले. लोकांनी मांडलेल्या मुद्द्यावर कोणत्याही प्रकारची ठोस उत्तरे मिळाली नाहीत. त्यामुळे उपोषण करण्यावर लांजा-कुवे बचाव समिती ठाम राहिली, असे बचाव समितीचे अध्यक्ष प्रकाश लांजेकर यांनी सांगितले.