कणकवलीत स्वच्छता अभियान

85062

कणकवलीत स्वच्छता अभियान
कणकवली, ता. १८ : जीवन आनंद संस्थेतर्फे येथील स्थानिक रहिवासी डॉ. हेमा तायशेटे यांच्या वाढदिवसानिमित्त कणकवली रेल्वे स्थानक परिसरात स्वच्छता अभियान राबविले. या सामाजिक उपक्रमात विविध क्षेत्रातील मान्यवर, नागरिक सहभागी झाले.
रेल्वे स्थानकाचे स्टेशन मास्तर आनंद चिपळूणकर, रोटरी क्लबचे अध्यक्ष अॅड. राजेंद्र रावराणे, डॉ. विद्याधर तायशेटे, मेघा गांगण, संतोष कांबळी, रमेश मालविय, गुरुनाथ पावसकर, लवू पिळणकर, अनिल कर्पे, अंकिता कर्पे, सोनू मालविय, राजश्री रावराणे, स्मिता पावसकर, सुमन पिळणकर आदी मान्यवरांसह रेल्वे कर्मचारी आणि जीवन आनंद संस्थेचे अध्यक्ष संदिप परब व संस्थेचे कार्यकर्ते उपस्थित होते. या उपक्रमातून स्वच्छता आणि सामाजिक बांधिलकीचा संदेश दिला. परिसर स्वच्छ ठेवण्याची जबाबदारी प्रत्येक नागरिकाची असल्याचे मत उपस्थितांनी व्यक्त केले. या उपक्रमाचे सर्वत्र कौतुक होत आहे.