विद्यार्थ्यांनो, सुजाण नागरिक बना

swt188.jpg
85233
हडीः ज्येष्ठ नागरिक सेवा संघाच्या वतीने गुणवंत विद्यार्थ्यांना गौरविण्यात आले.

विद्यार्थ्यांनो, सुजाण नागरिक बना
श्रुती गोगटेः हडी येथे गुणवंत विद्यार्थ्यांचा गौरव
सकाळ वृत्तसेवा
मालवण, ता. १८ : ज्येष्ठांचे आशीर्वाद बाजारात विकत मिळत नाहीत. तुमचे कौतुक म्हणजे ज्येष्ठांचे आशिर्वादच आहेत. विद्यार्थ्यांनी अभ्यासात यश मिळवण्याबरोबरच चांगले नागरिक बनावे आणि स्वतःच्या गावाचे नाव उज्ज्वल करावे, असे प्रतिपादन माजी मुख्याध्यापिका श्रुती गोगटे यांनी हडी येथे केले.
हडी ज्येष्ठ नागरिक सेवा संघ यांच्या वतीने गावातील ७० गुणवंत विद्यार्थ्यांचा गुणगौरव करण्यात आला. हा वार्षिक गुणगौरव सोहळा नुकताच हडी जठारवाडी शाळेत मोठ्या उत्साहात पार पडला. या कार्यक्रमाला सरपंच प्रकाश तोंडवळकर, माजी सभापती उदय परब, हडी ग्रामस्थ मंडळ मुंबईचे कोषाध्यक्ष श्री. साळकर, संघाचे अध्यक्ष देविदास सुर्वे, सचिव सुभाष वेंगुर्लेकर, भालचंद्र सुतार, प्रभाकर तोंडवळकर, प्रभाकर सुतार, मुख्याध्यापक सी. डी. जाधव, चंद्रकांत पाटकर, पोलिसपाटील श्रीमती पांजरी, तृप्ती हडकर, श्रीधर गोलतकर, दिनेश सुर्वे, सोनाली कदम, किशोर नरे उपस्थित होते. हडी ग्रामस्थ मंडळ मुंबई यांच्या सहकार्याने सर्व विद्यार्थ्यांना शैक्षणिक साहित्य बक्षीस देण्यात आले.
सरपंच तोंडवळकर यांनी, ज्येष्ठ नागरिक ही आपल्या गावाची खरी संपत्ती आहे. त्यांचा सन्मान करणे हे आपले कर्तव्य आहे. ग्रामपंचायतीच्या माध्यमातून मी सदैव ज्येष्ठांच्या पाठीशी उभा राहीन, अशी ग्वाही दिली. उदय परब यांनी, ज्येष्ठ नागरिक संघाच्या कार्याचे कौतुक करत त्याच ऊर्जेने दरवर्षी हा कार्यक्रम राबवला जातो. पंचक्रोशीत मोठे काम हा संघ करत आहे. ही एकजूट अशीच कायम ठेवा, असे आवाहन केले. देविदास सुर्वे यांनी, यापुढेही विद्यार्थ्यांच्या पाठीशी संघ ठामपणे उभा राहील, अशी ग्वाही दिली. संघाचे सल्लागार चंद्रकांत पाटकर यांच्या योगदानाबद्दल त्यांचा विशेष सत्कार करण्यात आला.