अमली पदार्थविरोधी कार्यशाळा, चर्चासत्रास सावंतवाडीत प्रतिसाद
85211
अमली पदार्थविरोधी कार्यशाळा,
चर्चासत्रास सावंतवाडीत प्रतिसाद
सकाळ वृत्तसेवा
सावंतवाडी, ता. १८ः येथील काझी शहाबुद्दीन हॉलमध्ये जिल्हा पोलिस अधीक्षक डॉ. मोहन दहिकर यांच्या मार्गदर्शनाखाली अमली पदार्थविरोधी कार्यशाळा आणि चर्चासत्र आयोजित करण्यात आले. वैद्यकीय क्षेत्राशी संबंधित असे एकूण ५० ते ६० जण या चर्चासत्रात सहभागी झाले.
यात सिंधुदुर्ग जिल्हा मेडिकल असोसिएशनचे अध्यक्ष डॉ. राजेश नवांगुळ, सिंधुदुर्ग जिल्हा इंडियन मेडिकल असोसिएशनचे डॉ. केसरे, येथील उपजिल्हा रुग्णालयाचे डॉ. निखिल अवधूत, आयुर्वेदिक महाविद्यालयाचे प्रा. डॉ. संजय दळवी, बालरोगतज्ज्ञ डॉ. दत्तात्रेय सावंत, केमिस्ट अँड ड्रगिस्ट असोसिएशनचे अध्यक्ष आनंद रासम आदी उपस्थित होते.
डॉ. दहीकर यांनी उपस्थितांना अमली पदार्थांच्या दुष्परिणामांची जाणीव करून दिली आणि या गंभीर समस्येचे उच्चाटन करण्यासाठी प्रत्येकाने कसे योगदान द्यावे, याबाबत सखोल मार्गदर्शन केले. त्यांनी वैद्यकीय क्षेत्रातील प्रतिनिधींसोबत या विषयावर चर्चाही केली. ही कार्यशाळा अमली पदार्थांविरुद्धच्या लढाईत समाजातील विविध घटकांमध्ये जागरुकता निर्माण करण्याच्या उद्देशाने घेण्यात आली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.