''स्टेपिंग स्टोन'' स्कूलचे स्केटींग स्पर्धेमध्ये यश

''स्टेपिंग स्टोन'' स्कूलचे
स्केटींग स्पर्धेमध्ये यश
सकाळ वृत्तसेवा
सावंतवाडी, ता. १८ ः ओरोस जिल्हा क्रीडा संकुल येथे येथे आयोजित स्केटींग स्पर्धेत येथील स्टेपिंग स्टोन ग्लोबल स्कूलच्या विद्यार्थ्यांनी उत्कृष्ट कामगिरी केली. यामध्ये प्रशालेची तिसरीतील विद्यार्थिनी क्रिशा साळवी हिने ११ वर्षांखालील गटात द्वितीय, पाचवीमधील किमया पोटे हिने १४ वर्षांखालील गटात द्वितीय, १४ वर्षांखालील मुलांच्या गटात सहावीमधील रेहान सारंग याने प्रथम, सातवीतील वैष्णव सावंत याने तृतीय क्रमांक पटकावला. या विद्यार्थ्यांना प्रशालेचे क्रीडाशिक्षक समद शेख व हमीद शेख यांचे मोलाचे मार्गदर्शन लाभले. शाळेचे संस्थापक रुजुल पाटणकर, मुख्याध्यापिका प्राची साळगावकर यांनी विजेत्या विद्यार्थ्यांचे कौतुक केले.
.....................
मदर क्विन्स स्कूलमध्ये
दहिहंडी सोहळा उत्साहात
सकाळ वृत्तसेवा
सावंतवाडी, ता. १८ ः सिंधुदुर्ग जिल्हा शिक्षण प्रसारक मंडळ संचलित येथील मदर क्विन्स इंग्लिश स्कूलमध्ये काल (ता. १६) दहिहंडी कार्यकम उत्साहात साजरा करण्यात आला. यावेळी नर्सरी, ज्युनिअर व सीनिअर केजीची मुले बालकृष्ण व राधेच्या पारंपरिक वेशभूषेत सहभागी झाली. मंडळाच्या चेअरमन शुभदादेवी भोसले, कार्यकारी विश्वस्त युवराज लखमराजे भोसले, विश्वस्त युवराज्ञी श्रध्दाराजे भोसले, मंडळाचे सदस्य जयप्रकाश सावंत यांच्या प्रमुख उपस्थितीत प्रशालेत आकर्षकरित्या सजविलेली दहिहंडी फोडून चिमुकल्यांनी आनंदोत्सव साजरा केला. या कार्यक्रमात पालकवर्ग सहभागी झाला. कार्यकम यशस्वी करण्यासाठी सिंड्रेला परेरा, सेलिन बर्नार्ड, आकाशवाणी सावंत, सिद्रा शेख, निकिता आराबेकर या शिक्षिकांनी व शिक्षकेतर कर्मचाऱ्यांनी विशेष मेहनत घेतली. या कार्यकमासाठी मंडळाचे अध्यक्ष खेमसावंत भोसले, संस्थेचे संचालक डी. टी. देसाई, सहाय्यक संचालक ॲड. शामराव सावंत, पदसिद्ध सदस्य डॉ. सतीश सावंत, प्रशालेच्या मुख्याध्यापिका अनुजा साळगांवकर, शिक्षक, शिक्षिकेतर कर्मचारी व पालक-शिक्षक संघ कार्यकारी समितीचे सदस्य यांनी शुभेच्छा दिल्या.
......................