जनार्दन परब यांचा आंब्रड येथे सत्कार

जनार्दन परब यांचा
आंब्रड येथे सत्कार
कणकवली, ता.१८ ः गेली छत्तीस वर्षे प्रवचन, कीर्तन, व्याख्यानाच्या माध्यमातून जनार्दन उर्फ संदीप परब करत असलेली समाज प्रबोधन सेवा गौरवास्पद आहे, असे भावोद्गार वेदशास्त्री विष्णू करंबेळकर यांनी व्यक्त केले. स्वातंत्र्य दिन आणि विश्वसंत ज्ञानेश्वर माऊलींच्या ७५० व्या जयंतीचे औचित्य साधून आंब्रड ग्रामपंचायतीत आयोजित विशेष सन्मान सोहळ्यात ते बोलत होते. यावेळी आंब्रडवासीयांतर्फे जनार्दन परब यांना सन्मानित करण्यात आले. ग्रामपुरोहित विष्णू करंबेळकर, सीताराम परब, सरपंच मानसी कदम, उपसरपंच विठ्ठल तेली, पोलिसपाटील देवेंद्र दळवी, माजी सरपंच विकास राऊळ, मुख्याध्यापक राजेंद्र राठोड, ज्येष्ठ मार्गदर्शक जी. जी. परब, हायस्कूलचे सचिव पांडुरंग दळवी, माजी सैनिक दत्ताराम परब, पोलिस अधिकारी अशोक मसुरकर यांच्या प्रमुख उपस्थितीमध्ये परब यांना सन्मानपत्र, ज्ञानेश्वरी गंथ, शाल, श्रीफळ देऊन सन्मानित करण्यात आले.