-तालुक्यात मुसळधार पावसाचा कहर

(फोटो फिचर)

फोटो ओळी
- rat18p39.jpg-
25N85292
दापोली ः तालुक्यातील पाजपंढरी येथील मध्यरात्री घराचे पत्रेच उडल्यामुळे घरात पाणीच पाणी झाले होते.
- rat18p40.jpg-
25N85293
दापोली शहरातील नर्सरी रोडवरदेखील पाणीच पाणी झाले होते.
- rat18p41.jpg-
25N85294
कुडावळे येथील दादर पुलावरून पाणी जात असल्याने वाहतूक ठप्प झाली होती.
- rat18p42.jpg-
P25N85301
मुरूडमध्ये खालची पाखाडी येथे पुराचे पाणी घरांच्या पायरीपर्यंत आले आहे.
- rat18p43.jpg-
25N85302
मुरूडमधील पाखाडीच्या घरांमध्ये पाणी शिरले
- rat18p44.jpg-
25N85303
सडवे येथे कोसळलेला गोठा.
- rat18p46.jpg-
P25N85322
बांधतिवरे सारंग रोडवरती सारंग मोहल्ला या ठिकाणी रस्त्यावर कोसळले झाड.
----
(खाली बातमी घ्यावी)

दापोली तालुक्याला पावसाचा तडाखा
चार गावांचा संपर्क तुटला; घरांमध्ये पाणी शिरून नुकसान
सकाळ वृत्तसेवा
दापोली, ता. १८ : मागील चोवीस तासात दापोली तालुक्याला मुसळधार पावसाचा तडाखा दिला आहे. पूरपरिस्थितीमुळे चार गावांचा संपर्क तुटला असून, चार गावातील काही घरांमध्ये पाणी शिरले आहे. पावसामुळे दापोलीतील जनजीवन विस्कळीत झाले आहे.
सखल भागात पाणी साचल्यामुळे तालुक्यातील शाळा व महाविद्यालयांना सुटी जाहीर करण्यात आली आहे. मुसळधार पावसामुळे तालुक्यातील नद्या, नाल्यांना पूर आला आहे. त्यामुळे आंजर्ले, तरीबंदर, उभाआगर, भंडारवाडा या किनारी भागांचा तर मुरूड येथील लक्ष्मीनारायण मंदिर–कर्दे परिसरातील जवळपास २० ते २५ घरांचा संपर्क तुटला आहे. बुरोंडी गावात नदीकाठच्या घरांमध्ये पाणी शिरल्यामुळे लोकांचे नुकसान झाले आहे. दापोली शहराजवळील जालगाव, खलाटी, नागरबुडी परिसरात घरात पाणी शिरले आहे. नागरबुडी, फणसाचे वाकण आणि भाटकर हॉस्पिटल रोड परिसरात दोन फूट पाणी साचले आहे. तसेच फणसू–भडवळे मार्ग पाण्याखाली गेल्यामुळे वाहतूक ठप्प झाली आहे. आवाशी येथील दादर पूल सलग दुसऱ्या दिवशी पाण्याखाली गेला आहे. जालगावमध्ये एका घराची भिंत कोसळून नुकसान झाले आहे.
काल रात्रीपासून पावसाचा जोर वाढल्याने खेड-दापोली-मंडणगड परिसरातील वाहतूक विस्कळीत झाली आहे. नानटे पुलावरून पाणी वाहत असल्याने दाभोळकडे जाणारी वाहतूक थांबली आहे. कुडावळे नदी तुडुंब भरून वाहत असून पुलावरून पाणी जात आहे. त्यामुळे वाहतूक ठप्प झाली आहे. मध्यरात्री वेगवान वाऱ्यामुळे किनारपट्टीलगत असणाऱ्या पाजपंढरी येथील वामन बबन रघुवीर यांच्या घराचे छप्पर उडून गेले. संपूर्ण संसार उघड्यावर पडला आहे. रघुवीर यांचे पत्रे उडल्यामुळे शेजारच्या घराचेदेखील नुकसान झाले आहे. सडवे येथील पार्वती गणू कावणकर यांचा गुरांचा गोठा कोसळून नुकसान झाले आहे. सुदैवाने, या सर्व घटनेत जीवितहानी झालेली नाही तसेच बांधतिवरे सारंग रोडवरती सारंग मोहल्ला या ठिकाणी एक झाड रस्त्यावर कोसळले आहे. त्यामुळे या ठिकाणची वाहतूक सध्या बंद आहे. झाड हटवण्यासाठी गावकरी प्रयत्न करत आहेत; परंतु पाऊस असल्यामुळे अडथळा येत आहे. येथील नदीला पूर आला असून, रस्त्यावर पाणी आल्याने वाहतूक ठप्प झाली आहे.

चौकट
भातशेतीच्या नुकसानीची शक्यता
दापोली तालुक्यातील बहुतांश भागातील वहाळ तुडुंब भरून वाहत आहे. त्यामुळे किनारी भागातील भातशेती पाण्याखाली गेली आहे. त्यामुळे शेतीचे नुकसान होण्याची शक्यता आहे.