बांद्यात डिजेच्या तालावर दहिहंडी उत्सव उत्साहात
85348
बांद्यात डिजेच्या तालावर
रंगला दहिहंडीचा उत्सव
सकाळ वृत्तसेवा
बांदा, ता. १८ ः ‘गोविंदा रे गोपाळा’, ‘यशोदेच्या तान्ह्या कान्हा’, ‘लाल लाल पागोटा गुलाबी शेला’ यांसह अनेक हिंदी-मराठी गाण्यांवर ठेका धरत बांद्यात ठिकठिकाणी दहिहंडी फोडण्यात आल्या. पावसाच्या आगमनानुळे गोविंदांमध्ये सळसळता उत्साह दिसून आला. डिजेच्या तालावर व उत्साही वातावरणात येथे दहिहंडी उत्साहात साजरी करण्यात आली.
यावर्षी दहिहंडीचा मोठा उत्साह बांदा शहरात दिसला. शहरात सर्वप्रथम मानाची बांदेश्वर मित्रमंडळाची दहिहंडी सिंहगर्जना कला, क्रीडा मंडळ बांदा गडगेवाडी या पथकाने फोडली. वाफोली येथील माऊली गोविंदा मंडळाने गांधीचौक मित्रमंडळाची दहिहंडी फोडण्याचा मान मिळविला. पथकाने तब्बल सात थर रचून ही दहिहंडी फोडली. आळवाडा येथील श्री पाटेश्वर नवरात्र मंडळ व कट्टा कॉर्नर नवरात्र मंडळाची दहिहंडी सिंहगर्जना गोविंदा पथकाने फोडली. सिंहगर्जनाने सात थरांची सलामी दिली. मंडळाच्या निहाल धामापूरकर या पाच वर्षीय चिमुकल्या गोविंदाने या हंड्या फोडल्या. रविवारी (ता. १७) कट्टा कॉर्नर येथे आयोजित राजू खान मित्रमंडळाची १ लाखाच्या दहिहंडीसाठी सर्व पथकांनी समान सात थर लावल्याने बक्षीस रक्कम विभागून देण्यात आली. ही दहिहंडी सिंहगर्जना पथकाने फोडली. पावसाची रिपरिप सुरू असल्याने गोविंदांमध्ये उत्साह संचारला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.