गेळेवासीयांतर्फे चव्हाण यांचा लवकरच सत्कार

गेळेवासीयांतर्फे
चव्हाण यांचा
लवकरच सत्कार
सावंतवाडी ः गेळे गावातील महाराष्ट्र शासनाच्या २७८ हेक्टर जमिनीचे वाटप आदेश आरक्षण वगळून १६८ कुटुंबांना १५ ऑगस्टला प्राप्त झाला. त्यामुळे ग्रामस्थांना हक्काचे सातबारे मिळणार आहेत. यासाठी प्रयत्न केलेल्या महाराष्ट्र भाजप प्रदेशाध्यक्ष रवींद्र चव्हाण यांचा गेळे गावातर्फे लवकरच जाहीर सत्कार करण्यात येणार असल्याचे ग्रामस्थांनी दिलेल्या प्रसिद्धी पत्रकातून कळविले आहे. आनंद गावडे, मनोहर गावडे, नितीन गावस, अंकुश गवस, गोपाळ परब, विजय गवस, नारायण लाड, राजाराम बंड आदींनी दिलेल्या पत्रकात म्हटले आहे की, भाजप प्रदेशाध्यक्ष चव्हाण यांच्या प्रयत्नातून गेळे गावातील महाराष्ट्र शासनाच्या २७८ हेक्टर जमिनीचे वाटप आदेश आरक्षण वगळून गावातील २५६ पैकी १६८ कुटुंबांना १५ ऑगस्टला प्राप्त झाला. यामुळे महाराष्ट्र शासनाच्या २७८ हेक्टर पैकी जमिनीचे हक्काचे सातबारा ग्रामस्थांना मिळणार आहेत. प्रलंबित असलेल्या खासगी वन शेरा लागलेल्या ३६४ हेक्टर जमिनीचा प्रश्न सुद्धा त्यांच्या माध्यमातून लवकरच निकाली लागणार, अशी आशा आहे. त्यांनी गावासाठी केलेल्या प्रयत्नांबद्दल गेळे ग्रामस्थांतर्फे लवकरच जाहीर सत्कार केला जाणार आहे.