फोटोसंक्षिप्त-संततधारेमुळे कुडाळातील भंगसाळ पूल पाण्याखाली
85600
संततधारेमुळे कुडाळातील
भंगसाळ पूल पाण्याखाली
कुडाळ, ता. १९ ः कुडाळमध्ये संततधार सुरूच असून, पाच दिवस पडणाऱ्या पावसामुळे येथील भंगसाळ जुने पूल पाण्याखाली गेल्याने नदीकाठच्या गावांना सतर्कतेच्या सूचना देण्यात आल्या आहेत. ग्रामीण भागातील सखल भागातील पूल पाण्याखाली गेल्याने काही ठिकाणी वाहतूक ठप्प झाली.
गेल्या २४ तासांत कुडाळमध्ये ९८ मिलिमीटर पावसाची नोंद झाली. भंगसाळ नदीच्या पाण्याची पातळी वाढल्याने हॉटेल गुलमोहोरचा परिसर जलमय झाला. त्यामुळे एसटी वाहतूक राज हॉटेलमार्गे वळविण्यात आली. एसटीकडून सर्वच चालक-वाहकांना योग्य त्या सूचना दिल्या नसल्याने काही गाड्या गुलमोहोर रस्त्याकडून येत होत्या; मात्र पोलिसांनी बॅरिकेड लावल्याने त्यांना माघारी जावे लागले. भंगसाळ नदीवरचा बंधारा पाण्याखाली गेला असून नदी दुथडी भरून वाहत आहे. नदीकाठच्या लोकांना सतर्कतेचा इशारा देण्यात आला आहे. संततधार पावसामुळे शहरातील जनजीवन विस्कळीत झाले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.