कुडाळात चर्च इमारतीला आग लागल्याने नुकसान
85626
कुडाळात चर्च इमारतीला आग लागल्याने नुकसान
सकाळ वृत्तसेवा
कुडाळ, ता. १९ ः शहरातील डॉन बॉस्को चर्चच्या इमारतीला आज सकाळी सातच्या सुमारास आग लागली. सुदैवाने या आगीत कोणतीही जीवितहानी झाली नाही. मात्र, प्रवेशद्वाराजवळ ठेवलेल्या प्लास्टिक खुर्च्या जळाल्याने मोठे नुकसान झाले. ही आग शॉर्टसर्किटमुळे लागल्याचा प्राथमिक अंदाज आहे.
सकाळच्या वेळी चर्चच्या प्रवेशद्वारातून धूर येताना समीर जळवी यांना दिसला. त्यांनी तत्काळ आजूबाजूच्या नागरिक आणि नगरपंचायत तसेच एमआयडीसीच्या अग्निशमन दलाला याची माहिती दिली. इमारतीच्या प्रवेशद्वाराजवळच असलेल्या इलेक्ट्रिक मीटरजवळील प्लास्टिकच्या खुर्च्यांना आग लागल्याने तिचा भडका उडाला. घटनेची माहिती मिळताच नागरिकांनी आग विझवण्यासाठी प्रयत्न सुरू केले. सकाळी साडेसात वाजता येथील एमआयडीसी आणि नगरपंचायतीचे अग्निशमन बंब घटनास्थळी दाखल झाले आणि त्यांनी तत्काळ आगीवर नियंत्रण मिळविले. नागरिक आणि अग्निशमन दलाच्या प्रसंगावधानाने मोठी हानी टळली. या आगीत सुमारे दीडशे प्लास्टिकच्या खुर्च्या जळून खाक झाल्या. माजी जिल्हा परिषद सदस्य संजय भोगटे, शिवसेना तालुकाप्रमुख राजन नाईक, अभय शिरसाट, श्रीराम शिरसाट, शिवसेना उपजिल्हाप्रमुख अरविंद करलकर, पप्पू नार्वेकर आदींनी मदतकार्य केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.