सायबर जागरूकता कार्यक्रम

करबुडे-लाजूळ विद्यालयात
सायबर जागरूकता कार्यक्रम
सकाळ वृत्तसेवा
जाकादेवी, ता. २२ ः रत्नागिरी तालुक्यातील माध्यमिक विद्यालय करबुडे-लाजुळ येथे सायबर जागरूकता मोहिमेंतर्गत विद्यार्थ्यांना मार्गदर्शन कार्यक्रम पार पडला. या द्वारे सायबर सुरक्षेबाबत माहिती देण्यात आली.
विद्यार्थ्यांना सायबर गुन्ह्यांबद्दल माहिती देणे आणि त्यांना डिजिटल जागरूक नागरिक बनवणे हा या कार्यक्रमाचा उद्देश होता. यामध्ये ओटीपी फसवणूक, गेमिंग फ्रॉड, सोशल मीडिया फसवणुकीसारख्या सायबर गुन्ह्यांवर आधारित माहितीपूर्ण सादरीकरण, संवादसत्र आणि प्रश्नोत्तर सत्र घेण्यात आले. सायबर वॉरिअर क्लबचे सदस्य रिद्धी जाधव, अथर्व सावंत यांनी सायबर गुन्हे टाळण्यासाठी आवश्यक असलेल्या सावधगिरीच्या उपायांची माहिती दिली. विद्यार्थ्यांना रोजच्या डिजिटल व्यवहारात कोणती काळजी घ्यावी या विषयी समजून सांगितले. या कार्यक्रमाच्या शेवटी विद्यार्थ्यांनी सायबर सुरक्षा शपथ घेतली आणि डिजिटल माध्यमात जबाबदारीने वागण्याची प्रतिज्ञा केली.