''गणेशोत्सवात आचऱ्यातील अवजड वाहतूक बंद ठेवा''

swt2214.jpg
86408
आचराः येथील पोलिस स्थानकात नागरिकांशी संवाद साधताना पोलीस अधिकारी.

‘गणेशोत्सवात आचऱ्यातील
अवजड वाहतूक बंद ठेवा’
सकाळ वृत्तसेवा
आचरा, ता. २२ः गणेश चतुर्थी आणि ईद उत्सवाच्या पार्श्वभूमीवर उपविभागीय पोलीस अधिकारी घनश्याम आढाव यांनी येथील पोलीस ठाण्यास भेट दिली. यावेळी त्यांनी कायदा व सुव्यवस्था अबाधित राखत सण-उत्सव आनंदात साजरे करण्याचे आवाहन केले. बैठकीत आचरा तिठा येथे कायमस्वरूपी वाहतूक पोलीस नेमण्याची मागणी सरपंच जेरॉन फर्नांडिस यांनी केली.
तसेच गणेशोत्सव काळात आचरा परिसरातील अवजड चिरे वाहतूक बंद ठेवावी, अशी ठाम मागणी ग्रामस्थांकडून करण्यात आली. या बैठकीस पोलीस निरीक्षक प्रदीप पोवार, उपसरपंच संतोष मिराशी, व्यापारी संघटनेचे अध्यक्ष अर्जुन बापर्डेकर, जयप्रकाश परुळेकर, परेश सावंत, ग्रामपंचायत सदस्य मुजफ्फर मुजावर, चिरेखाण व्यावसायिक दुर्गाप्रसाद तुळपुळे, फिरोज मुजावर, समीर मुजावर, ट्रॅव्हल्स मालक दिनेश कांबळी, उमेश बाणे, पोलीस पाटील विठ्ठल धुरी, जगन्नाथ जोशी, दिनेश पाताडे, तसेच शांतता समिती, मोहल्ला समितीचे सदस्य व पोलीस कर्मचारी उपस्थित होते. पोलीस निरीक्षक पोवार यांनी सुरक्षेच्या दृष्टीने आचरा परिसरातील महत्त्वाचे भाग लवकरच सीसीटीव्ही कॅमेऱ्यांच्या कक्षेत आणले जाणार आहेत, असे सांगितले.