क्राईम

पोसरेतील वृद्धेचा
सर्पदंशाने मृत्यू
खेड ः तालुक्यातील पोसरे-बुद्रुकवाडी येथील वृद्धा मालती नारायण पालांडे (वय ७५) यांना १८ ऑगस्टला दुपारी सर्पदंश झाला होता. त्यांना प्रथम कामथे उपजिल्हा रुग्णालय येथे नेले. नंतर अधिक उपचारासाठी डेरवण येथील वालावलकर रुग्णालय येथे नेण्यात आले. तेथील डॉक्टरांनी तपासून १८ ऑगस्टला रात्री सव्वानऊ वाजता मृत घोषित केले. येथील पोलिसांनी २२ ऑगस्टला दुपारी आकस्मिक मृत्यू म्हणून पोलिस ठाण्यात नोंद केली आहे.

गळफास घेऊन
महिलेची आत्महत्या
खेड ः तालुक्यातील असगणी समर्थनगर येथील रिया राजेश जाधव (वय ३५) यांनी १५ ऑगस्टला राहत्या घरी गळफास घेतला होता. त्यांना बेशुद्धावस्थेत लोटेतील परशुराम रुग्णालयात दाखल करण्यात आले. प्राथमिक उपचारानंतर कऱ्हाड येथील खासगी रुग्णालयात दाखल केले होते. १७ ऑगस्टला त्यांचा मृत्यू झाला. येथील पोलिसांनी २२ ऑगस्टला याची पोलिस ठाण्यात नोंद केली आहे.