सावंतवाडीत भजनी साहित्याचे वाटप

swt2511.jpg
86984
सावंतवाडीः भजन मंडळांना साहित्य वाटप करताना संदीप गावडे.

सावंतवाडीत भजनी साहित्याचे वाटप
भाजपचा पुढाकार ः वेंगुर्लेतील ४२, दोडामार्गातील ३५ मंडळांचा समावेश
सकाळ वृत्तसेवा
सावंतवाडी, ता. २५ ः गणेश चतुर्थीच्या पूर्वसंध्येला भजनी मंडळांना प्रोत्साहन देऊन सांस्कृतिक चळवळ सुरू ठेवण्याच्या हेतूने प्रतिवर्षीप्रमाणे याही वर्षी संदीप गावडे यांच्यामार्फत भजनी मंडळांना साहित्य वाटप करण्यात आले. वेंगुर्ले तालुक्यातील एकूण ४२ मंडळांना साहित्य वाटप करण्यात आले. यावेळी जिल्हाध्यक्ष प्रभाकर सावंत, जिल्हा उपाध्यक्ष बाळू देसाई, वेंगुर्ले मंडल अध्यक्ष पप्पू परब, जिल्हा कार्यकारिणी सदस्य राजन गिरप, साई नाईक, युवा मोर्चा वेंगुर्ले तालुकाध्यक्ष प्रणव वायंगणकर, महिला मोर्चा तालुकाध्यक्ष श्रीमती पडवळ आदी मान्यवर तसेच वेंगुर्ले तालुक्यातील भजनी मंडळांचे सदस्य उपस्थित होते. गावडे यांच्याकडून गेल्यावर्षीपासून भजनी मंडळांसाठी साहित्य वाटप करण्यात येते. या उपक्रमातून भजनी कलाकारांना प्रोत्साहन देण्याचा हेतू असल्याचे गावडे यांनी सांगितले. भजनी मंडळांकडून गावडे यांच्या या उपक्रमाबद्दल कौतुक व्यक्त केले जात आहेत.

चौकट
दोडामार्ग तालुक्यात ३५ मंडळांना वाटप
गणेश चतुर्थीच्या पूर्वसंध्येला भजनी मंडळांना प्रोत्साहन देऊन सांस्कृतिक चळवळ सुरू ठेवण्याच्या हेतूने प्रतिवर्षीप्रमाणे यावर्षी देखील संदीप गावडे यांच्यामार्फत साहित्य वाटप करण्यात आले. दोडामार्ग तालुक्यातील एकूण ३५ मंडळांना साहित्य वाटप करण्यात आले. यावेळी दोडामार्ग मंडल अध्यक्ष दीपक गवस, नगराध्यक्ष चेतन चव्हाण, युवा मोर्चा अध्यक्ष पराशर सावंत, दोडामार्ग शहर अध्यक्ष राजेंद्र फुलारी, उपतालुकाध्यक्ष आनंद तळणकर, देवाजी शेटकर आदी मान्यवर तसेच दोडामार्ग तालुक्यातील सर्व भजनी मंडळांचे सदस्य उपस्थित होते.