''शिवसेना एक्स्प्रेस'' दादर येथून मार्गस्थ

८७०१७

''शिवसेना एक्स्प्रेस''
दादर येथून मार्गस्थ
सकाळ वृत्तसेवा
कुडाळ, ता. २५ ः कुडाळ-मालवण विधानसभा मतदारसंघाचे आमदार नीलेश राणे यांच्या वतीने कोकणातील गणेशभक्तांसाठी मोफत प्रवासाची ‘शिवसेना एक्स्प्रेस’ आज दुपारी दादर येथून कुडाळकडे मार्गस्थ झाली. याबाबत चाकरमान्यांनी आमदार राणे यांचे आभार मानले. कोकणचे आराध्य दैवत गणेशोत्सवासाठी कित्येक कोकणकर मुंबई येथून गावी येत असतात. त्यांचा प्रवास मोफत व सुरक्षित व्हावा, यासाठी दरवर्षीप्रमाणे यंदाही मुंबईहून कोकणात जाणारी ‘शिवसेना एक्स्प्रेस’ विशेष रेल्वेगाडीची व्यवस्था करण्यात आली आहे. ही गाड़ी आज दुपारी दादर येथून कुडाळच्या दिशेने रवाना झाली. माजी मुख्यमंत्री तथा खासदार नारायण राणे, खासदार श्रीकांत शिंदे, शिवसेना एक्स्प्रेसचे आयोजक आमदार नीलेश राणे यांनी हिरवा झेंडा दाखवल्यानंतर गाडी मार्गस्थ झाली. याप्रसंगी शिवसेनेचे पदाधिकारी, कार्यकर्ते व कोकणातील चाकरमानी मोठ्या संख्येने उपस्थित होते.