पर्यावरणपूरक हार विक्रीतून२२ हजारांचा निधी संकलित

swt2518.jpg
87070
आंबेगावः शाळेने पर्यावरणपूरक हार निर्मितीचा उपक्रम राबविला.

पर्यावरणपूरक हार विक्रीतून
२२ हजारांचा निधी संकलित
आंबेगावात उपक्रमः विद्यार्थ्यांचे कौतुक
सकाळ वृत्तसेवा
सावंतवाडी, ता. २५ : गणेशोत्सवाचे औचित्य साधून आंबेगाव क्र. १ शाळेच्या स्काऊट-गाईड पथकाने इको क्लब अंतर्गत पर्यावरणपूरक हार निर्मितीचा अनोखा उपक्रम राबविला. या उपक्रमातून तब्बल २२ हजार रुपयांचा शैक्षणिक निधी उभा राहिला.
पर्यावरण संवर्धन व प्लास्टिक मुक्तीचा संदेश देत विद्यार्थ्यांनी स्वतःच्या श्रमातून हार तयार केले. या हारांचे भव्य प्रदर्शन व विक्रीला उत्स्फूर्त प्रतिसाद मिळाला. या उपक्रमामागे शिक्षिका रसिका नाईक यांची संकल्पना असून, मुख्याध्यापिका अस्मिता मुननकर यांच्या मार्गदर्शनाखाली तो राबविण्यात आला. शिक्षिका स्नेहल कांबळे, स्काऊट मास्टर प्रदीपकुमार म्हाडगुत व नितीन सावंत यांनी सहकार्य केले. हार प्रदर्शनाचे उद्घाटन शाळा व्यवस्थापन समिती अध्यक्षा तेजस्वी गावडे यांच्या हस्ते झाले. यावेळी उपसरपंच रमेश गावडे, शिक्षणतज्ज्ञ राहुल राणे उपस्थित होते. सरपंच शिवाजी परब व केंद्रप्रमुख भावना गावडे यांनी अभिनंदन करून शुभेच्छा दिल्या.