लांजा-लांजात मोटारीची विजेच्या खांबाला धडक

मोटार खांबावर
आदळून वीज खंडित
लांजा, ता. २७ ः लांजा शहरातील कोर्ले फाट्याजवळ मंगळवारी (ता. २६) संध्याकाळी मोटारीने विजेच्या खांबाला धडक दिली. त्यामुळे शहरातील काही भागातील वीजपुरवठा खंडित झाला होता. गणेशोत्सवाच्या धामधुमीत वीज गेल्याने नागरिकांचा हिरमोड झाला. या घटनेची माहिती मिळताच आमदार किरण सामंत यांनी महावितरण विभागाला तातडीने कार्यवाही करण्याचे आदेश दिले. आदेशानुसार महावितरणचे कर्मचारी तत्परतेने घटनास्थळी दाखल होऊन दुरुस्तीचे काम सुरू केले. त्यांच्या प्रयत्नांमुळे अवघ्या तीन तासांत वीजपुरवठा पुन्हा सुरळीत झाला.