मंडणगड-मंडणगड बसस्थानकात खड्ड्यांचे साम्राज्य

87779

मंडणगड बसस्थानकात खड्डेच खड्डे
सकाळ वृत्तसेवा
मंडणगड, ता. २८ ः मंडणगड बसस्थानक परिसर खड्डेमय झाला असून, याबाबत मुंबईतून येणारे चाकरमानी आणि स्थानिक प्रवाशांनीही याबाबत नाराजी व्यक्त केली आहे.
मंडणगड शहर हे तालुक्याचे ठिकाण आहे. शहराच्या मध्यभागी असलेल्या ठिकाणी मंडणगड बसस्थानक आहे. या बसस्थानक परिसरात काही वर्षांपूर्वी डांबरीकरण करण्यात आले आहे; मात्र डांबरीकरणाचे काम अत्यंत निकृष्ट दर्जाचे झाल्याने बसस्थानक परिसरात मोठ्या प्रमाणात खड्डे पडले आहेत. प्रवाशी व इतर नागरिकांचे या खड्ड्यांमुळे मोठ्या प्रमाणात हाल होत आहेत. जवळपास अर्ध्या बसस्थानक परिसरात मोठमोठे खड्डे असून, या खड्ड्यांमध्ये गुडघाभर पाणी साचले आहे. त्यामुळे स्थानकप्रमुखांनी तत्काळ लक्ष घालून हे खड्डे बुजवावेत, अशी मागणी होत आहे.
मंडणगड बसस्थानक परिसरात एकच सुलभ शौचालय असून, ये-जा करणारे प्रवाशी व शहरातील नागरिकांना याच शौचालयाचा आधार घ्यावा लागत आहे. या शौचालयातील घाण व सांडपाणी बाहेर वाहत असून, बसस्थानक परिसरात मोठ्या प्रमाणात दुर्गंधी पसरली आहे.