-चिपळुणात दीड दिवसांच्या गणरायाला भावपूर्ण निरोप

-rat२८p४१.jpg-
२५N८७७९३
चिपळूण ः रामतीर्थ तलावाच्या ठिकाणी दीड दिवसांच्या गणेश विसर्जनासाठी मोठी गर्दी झाली होती.
---------------
दीड दिवसांच्या गणरायाला भावपूर्ण निरोप
चिपळुणात नगरपालिकेचे नियोजन ; कुत्रिम तलावाची व्यवस्था
सकाळ वृत्तसेवा
चिपळूण, ता. २८ : तालुक्‍यात दीड दिवसाच्या गणरायाला गुरूवारी (ता. २८) निरोप देण्यात आला. तालुक्‍यात ठिकठिकाणी विसर्जनस्थळावर ‘गणपती बाप्पा मोरया, मंगलमूर्ती मोरया, पुढच्या वर्षी लवकर या,’ असा गणरायाचा गरज करत तालुक्यात दीड दिवसाच्या सुमारे २ हजार ७०० गणेशमूर्तींचे विसर्जन करण्यात आले. विसर्जनासाठी शहरात ठिकठिकाणी तलावांसह नद्यांमध्ये तसेच कृत्रिम तलावाची व्यवस्था नगरपालिकेकडून करण्यात आली होती.
यावर्षी गणेशोत्सवात तालुक्‍यात बुधवारी सुमारे १६ हजार ६०० गणेशमूर्तींची स्थापना करण्यात आली. दीड दिवस गणेशोत्सव साजरा करणाऱ्यांची संख्याही वाढली आहे. तालुक्यात दीड दिवसाच्या एकूण २ हजार ७०० घरगुती तर ४ सार्वजनिक गणेशमूर्तीचे विसर्जन पारंपारिक पद्धतीने व मिरवणुकीने वाजतगाजत करण्यात आले. ठराविक ठिकाणी फटाक्याची आतषबाजी करण्यात आली. कुटुंबासह विसर्जनस्थळी भाविक दाखल झाले होते. शहरातील बाजारपूल, बहादूरशेख नाका तसेच गोवळकोट, पेठमाप, उक्ताड, शंकरवाडी येथे वाशिष्ठी नदीकिनाऱ्यावर श्रींच्या मूर्तींचे विसर्जन करण्यात आले. तसेच शहरातील रामतीर्थ, विरेश्वर तलावातदेखील विसर्जन मोठ्या संख्येने करण्यात आले. येथे सुरक्षिततेच्यादृष्टीने रेलिंग तसेच गणेशमूर्ती नेण्यासाठी सेफ्टी बोये ठेवण्यात आले होते. याशिवाय विसर्जन घाटाच्या ठिकाणी कृत्रिम तलाव व स्वागत कक्षदेखील उभारण्यात आले होते. गुरूवारी सायंकाळी उशिरापर्यंत विसर्जन सोहळा सुरू होता. यानिमित्त विसर्जन ठिकाणी चोख पोलिस बंदोबस्त ठेवण्यात आला होता. तसेच काही तरुणांचे पथक विसर्जनस्थळी सज्ज होते.
----
नेटके नियोजन
चिपळूण तालुक्यात सुमारे २ हजार ७०० दीडदिवसांच्या गणरायांचे विसर्जन करण्यात आले. याचे नेटके नियोजन नगरपालिकेने केले होते. हा सोहळा सायंकाळी उशिरापर्यंत सुरू होता. आरती घोषणांनी नदी, कुत्रिम तलाव परिसरातील वातावरण भक्तीमय बनले होते.