दीड दिवसांच्या गणपतींचे कुडाळ परिसरात विसर्जन

swt2824.jpg
87804
डिगसः दीड दिवसांच्या गणरायांचे भक्तिमय वातावरणात विसर्जन करण्यात आले. (छायाचित्रः अजय सावंत)

दीड दिवसांच्या गणपतींचे
कुडाळ परिसरात विसर्जन
सकाळ वृत्तसेवा
कुडाळ, ता. २८ः तालुक्यातील दीड दिवसांच्या गणपतींचे आज सायंकाळी भक्तिमय वातावरणात विसर्जन करण्यात आले. जिल्ह्यात मोठ्या उत्साहात गणेशोत्सव साजरा करण्यात येतो. श्री गणेश चतुर्थीला कालपासून (ता. २७) सुरुवात झाली.
तालुक्यात सार्वजनिक गणपतींसह घरोघरी श्री गणेश मूर्तींचे विधिवत पूजन करण्यात आले. दीड दिवस मनोभावे पूजन केलेल्या गणरायांचे आज सायंकाळी नदी, तलाव, ओहोळ आदी ठिकाणी गणरायांना निरोप देण्यात आला. शहरातील भंगसाळ नदीसह नऊ गणेश घाट ठिकाणी विसर्जन श्रींना निरोप देण्यात आला. नगरपरिषद प्रशासनाकडून भाविकांच्या सेवेसाठी मंडप उभारण्यात आले. गणेश घाट परिसरात कर्मचारी तैनात होते. शहरात पोलिस प्रशासनाकडून चोख बंदोबस्त तैनात ठेवला होता.