गणेश विसर्जनचा रस्ता बंद केल्याने गैरसोय

swt295.jpg
87885
आंबोलीः गुरववाडी येथील रस्ता कुंपण घालून बंद करण्यात आल्याने नागरिकांची गैरसोय झाली आहे.

गणेश विसर्जनचा रस्ता
बंद केल्याने गैरसोय
आंबोली, ता. २९ः गणेश विसर्जन मार्गावरील आंबोली-गुरववाडी येथील रस्ता कुंपण घालून बंद केल्यामुळे स्थानिक नागरिकांमध्ये तीव्र नाराजी पसरली आहे. या निर्णयाविरोधात संतप्त झालेल्या मुळवंतवाडी (गुरववाडी) येथील ग्रामस्थांनी आवाज उठवत, रस्ता तातडीने मोकळा करण्यासाठी जिल्ह्याचे पालकमंत्री नितेश राणे व आमदार दीपक केसरकर यांना निवेदन दिले आहे.
निवेदनात नागरिकांनी म्हटले आहे की, अनेक वर्षांपासून वापरला जाणारा हा सार्वजनिक रस्ता अचानकपणे ग्रामपंचायतीने बंद केला आहे. गणेश विसर्जनाच्या काळात यामुळे मोठ्या प्रमाणावर गैरसोय होत असून, उत्सवात अडथळे निर्माण होत आहेत. हा रस्ता आंबोली ग्रामपंचायतीच्या २३ नंबर रस्ता म्हणून नोंदवलेला असून, त्यावर कुंपण टाकल्यामुळे नागरिकांची वाहतूक ठप्प झाली आहे. त्यामुळे हा रस्ता पूर्ववत खुला करून सार्वजनिक सोयीसाठी उपलब्ध करून द्यावा, अशी मागणी केली आहे.