क्राईम
‘तो’ मुलगा अतिदक्षता विभागात
आईची हत्या प्रकरण ; कर्जाचे कारण
सकाळ वृत्तसेवा
रत्नागिरी, ता. २९ ः आईची हत्या करून स्वतःची नस कापून घेणारा तरुण अजूनही अतिदक्षता विभागात मृत्यूशी झुंज देत आहे. या तरुणाने कर्जबाजारीपणा आणि बेरोजगारीला कंटाळून हे कृत्य केले असल्याचे प्राथमिक तपासात पुढे आले असले तरी यामध्ये आणखी काही कारण आहे का, याची शक्यता पोलिस तपासत आहेत.
रत्नागिरीच्या सुपलवाडी भागातील अनिकेत शशिकांत तेली या २५ वर्षीय तरुणाने मंगळवारी पहाटे आपल्या आईच्या गळ्यावर सुरीने वार केला. आई बेडवर रक्ताच्या थारोळ्यात पडल्यानंतर त्याने स्वतःच्या दोन्ही हातांच्या नसा कापून घेतल्या. रक्ताळलेल्या हातांनी तो आजीकडे गेला आणि त्याने हा प्रकार तिला सांगितला. घाबरलेल्या आजीने शेजारी राहणाऱ्या आपल्या दुसऱ्या मुलाला याबाबतची माहिती दिली आणि त्यानंतर पोलिसांना बोलावण्यात आले.
पोलिसांनी अनिकेतला रुग्णालयात दाखल केले आहे. अद्यापही त्याच्यावर अतिदक्षता विभागात उपचार सुरू आहेत. वडिलांनी आणि स्वतः काढलेल्या कर्जाला आणि बेरोजगारीला कंटाळून त्याने आईची हत्या केली आणि आत्महत्येचा प्रयत्न केला; मात्र फक्त आर्थिक विवंचना एवढेच त्यामागे कारण आहे की, अजून काही कारणे आहेत? याचा तपास पोलिस करत आहेत. अनिकेतला जिल्हा रुग्णालयाच्या अतिदक्षता विभागात ठेवण्यात आले असून, तेथे पोलिस बंदोबस्तही ठेवण्यात आला आहे. अधिक तपास शहर पोलिस ठाण्याचे पोलिस निरीक्षक विवेक पाटील करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.