''फुले आधार''साठी अर्जांचे आवाहन

‘फुले आधार’साठी
अर्जांचे आवाहन
सिंधुदुर्गनगरी : शैक्षणिक वर्ष २०२५-२६ करिता इतर मागास वर्ग, विमुक्त जाती व भटक्या जमाती तसेच विशेष मागास प्रवर्गातील (भटक्या जमाती क प्रवर्गातील धनगर समाज वगळून) उच्च शिक्षण घेणाऱ्या विद्यार्थ्यांसाठी ‘ज्ञानज्योती सावित्रीबाई फुले आधार योजना’ राबविण्यास शासनाची मान्यता मिळाली आहे. या योजनेसाठी पात्र विद्यार्थ्यांनी दि. १ ते १८ सप्टेंबर २०२५ दरम्यान https://hmas.mahait.org या संकेतस्थळावर ऑनलाईन अर्ज करणे आवश्यक आहे. अर्जाची प्रत इतर मागास बहुजन कल्याण कार्यालय, सिंधुदुर्ग येथे जमा करावी. सहायक संचालक उदयसिंह गायकवाड यांनी पात्र विद्यार्थ्यांनी या योजनेचा लाभ घ्यावा.
-----------------
‘स्वयंम योजना’साठी
अर्जांचे आवाहन
सिंधुदुर्गनगरी : शैक्षणिक वर्ष २०२५-२६ मध्ये इतर मागास वर्ग, विमुक्त जाती, भटक्या जमाती तसेच विशेष मागास प्रवर्गातील (भटक्या जमाती क प्रवर्गातील धनगर समाज) उच्च शिक्षण घेणाऱ्या विद्यार्थ्यांना ‘पंडित दीनदयाल उपाध्याय स्वयंम योजना’ राबविण्यास शासनाने मान्यता दिली आहे. या योजनेसाठी पात्र विद्यार्थ्यांनी १ ते १८ सप्टेंबर २०२५ या कालावधीत https://hmas.mahait.org या संकेतस्थळावर अर्ज करावा. अर्जाची प्रत इतर मागास बहुजन कल्याण कार्यालय, सिंधुदुर्ग येथे सादर करावी. या संधीचा विद्यार्थ्यांनी लाभ घ्यावा, असे आवाहन सहायक संचालक उदयसिंह गायकवाड यांनी केले आहे.
----------------
वसतिगृह प्रवेशासाठी
अर्ज करण्याचे आवाहन
सिंधुदुर्गनगरी : इतर मागास प्रवर्ग, विमुक्त जाती, भटक्या जमाती व विशेष मागास प्रवर्गातील व्यावसायिक व बिगर व्यावसायिक शिक्षण घेणाऱ्या विद्यार्थ्यांसाठी शासकीय वसतिगृह (बांधकरवाडी, कणकवली) सुरू करण्यात आले आहे. वसतिगृहात इतर मागास वर्ग-२२, विमुक्त जाती व भटक्या जमाती-१४, विशेष मागास प्रवर्ग-३, दिव्यांग-२, अनाथ-१, आर्थिक मागास प्रवर्ग-१ अशा जागा उपलब्ध आहेत. प्रवेशाकरिता अर्ज ऑनलाईन पद्धतीने १ ते १८ सप्टेंबर २०२५ दरम्यान https://hmas.mahait.org या संकेतस्थळावर भरावेत. भरलेल्या अर्जाची प्रत इतर मागास बहुजन कल्याण कार्यालय, सिंधुदुर्ग येथे सादर करणे आवश्यक आहे. नियम व अटींनुसार उमेदवार महाराष्ट्राचा रहिवासी असावा, पालकांचे वार्षिक उत्पन्न २.५० लाखांपेक्षा कमी असावे तसेच वय ३० वर्षांपेक्षा अधिक नसावे. प्रवेश प्रक्रियेत १२ वीच्या गुणांचे प्रमाण व प्रवर्गनिहाय आरक्षणाचा विचार केला जाईल.
-----------------