भोस्तेतील बुडालेल्या तरूणाचा मृतदेह हाती
88060
विसर्जनावेळी बुडालेल्या
‘त्या’ तरुणाचा मृतदेह हाती
भोस्तेतील घटना ः तब्बल २२ तास शोधमोहीम
खेड, ता. २९ : खेड तालुक्यातील भोस्ते गावात दीड दिवसांच्या गणपती विसर्जनावेळी बुडालेल्या भोस्ते येथील मंगेश पाटील या तरुणाचा मृतदेह २२ तासांनी शुक्रवारी जगबुडी नदीपात्रात मिळाला. तालुक्यातील अलसुरे येथे दीड दिवसाच्या गणपती विसर्जनावेळी घडलेली दुर्घटना संपूर्ण गावाला हेलावून टाकणारी ठरली. जगबुडी नदीच्या पाण्यात बुडालेल्या मंगेश पाटील या तरुणाचा मृतदेह भोस्ते येथे मिळाला.
शोधमोहिमेत एनडीआरएफचे जवान, विसर्जन कट्टा खेडचे अध्यक्ष संतोष शिंदे आणि त्यांचे सहकारी साहिल बुटाला, साईराज साळवी, साईराज खेडेकर, समाधान शिंदे, अविनाश शिंदे, रोहन पाडाळकर, ज्ञानेश भोसले, सुरज शिगवण तसेच खेड रेस्क्यू टीमचे अध्यक्ष बुरहान टाके व सदस्य बाशीद सुर्वे, रहीम साहिबाले यांनी अपार परिश्रम घेतले.
खेड नगरपालिका अग्निशामक विभाग व पोलिस प्रशासनाच्याही मदतीने नगरपालिकेची एक बोट, एनडीआरएफच्या दोन बोटी आणि पोलिसांची एक बोट अशा चार बोटींच्या साहाय्याने नदीत सतत शोध सुरू होता. आज संध्याकाळी ४ वाजण्याच्या सुमारास मंगेश पाटील याचा मृतदेह हाती आला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.